Александра Пријовиќ го изнесе синот на бина, па едвај ги скри солзите - Ретко појавување на внукот на Лепа Брена во јавност (видео)

Детали

понеделник, 30 октомври 2023

Александра Пријовиќ и Филип Живојиновиќ долго време го криеја синот Александар од јавноста, а публиката во Сараево имаше можност да го види момчето откако се качи на бината за време на концертот на мајка му. „Сине, ти благодарам што излезе иако се срамиш и се плашиш“ – му порача таа на синот со солзи во очите.

По настапите во Белград и во Загреб, Александра Пријовиќ имаше свој настап и во Сараево, а она што го направи овој концерт сосема поразличен од останатите е тоа што пејачката на сцената одлучи да го викне синот Александар на бината.

Александра успеа да наполни 3 Арени во Белград и 3 во Загреб, а потоа имаше и концерт во Сараево. Но, пејачката која е сопруга на посинокот на Лепа Брена, Виктор Живојиновиќ овојпат одлучи да ѝ приреди изненадување на публиката и да им овозможи одблиску да го видат нејзиниот син Александар.

Видеото на кое се гледа како Александра го викна на бина нејзиниот син Александар (4) масовно се прошири на социјалните мрежи.

Пред самиот крај на концертот сараевската публика беше сведок на еден од најемотивните моменти во кариерата на Александра:

„Само сакам да знаете дека сум ви благодарна до небото што ја слушате мојата музика и што го сакате она што го работам. Сакам да му се заблагодарам и на мојот Филип, без кого ништо не би било вака... И да му се заблагодарам на моето семејство и на мојот син Аки:

‘Сонце мое најубаво на светот, сакаш да дојдеш кај мама? Сакаш?’“ – го праша Александра момчето, а кога тој се качи на бината тие двајца заедно ѝ се заблагодарија на публиката.

„Ќе им кажеме дека ги сакаме и ќе им пратиме бакнеж? Ти благодарам што излезе затоа што ми рече дека се плашиш и се срамиш“ – му рече Александра на синот со солзи во очите.

Инаку, Александра го доби синот Александар од бракот со Филип Живојиновиќ. Тие двајца максимално се трудат да ја зачуваат приватноста на синот па ретко објавуваат негови фотографии на социјалните мрежи.

Познато е дека малиот Александар ужива да ја следи мајка му на работа, но ова беше првпат тој да се качи на бината и публиката да има можност да го види.

Погледнете го видеото од концертот во Сараево:

Прочитајте и Јавно кажува дека Брена не ѝ е свекрва, се срамела да снима љубовни сцени – Факти за Александра Пријовиќ, снаата на Боба Живојиновиќ

Погледнете неколку фотографии од заедничкиот настап на Александра и Брена:

Б. С. Б. | Црнобело