Синот на Лепа Брена пече леб и спрема казан со чварки – Подготовки во луксузниот дом за славење Св. Архангел Михаил

Детали

петок, 21 ноември 2025

Помалиот син на Лепа Брена и Бобо, Виктор, секогаш помага во подготовките за куќната слава која ја празнуваат вечерва и е задолжен за виткање сарми - оваа година тој објави фотки од огромен леб кој го печел во фурната во луксузниот двор, но покажа и дека се спремаат домашни чварки и колбаси. 

Св. Архангел Михаил (21.11) е еден од најголемите верски празници во Србија, а меѓу многуте кои го празнуваат овој светец e и Лепа Брена.

Балканската ѕвезда и нејзиниот сопруг, Боба Живојиновиќ, секоја година го полнат својот дом со најблиските пријатели, меѓу кои и многу познати личности од естрадата, па се слави и пее до доцна во ноќта.

Трпезата секогаш им е богата, а помалиот син Виктор, секогаш е главен помошник во кујна неколку дена пред славата.

Тој секоја година е задолжен за сармата и објавува фотки откако ќе ја завитка и нареди.

Оваа година Филип уште не ја покажа сармата, но вчера покажа дека подготовките почнале во домот на пејачката.

Погледнете и Помошна куќа за персонал, турска бања - Како е уреден луксузниот дом од 2,5 милиони евра на Лепа Брена?

Тој извади огромен леб кој веројатно се печел во домашната фурна во луксузниот двор, покажа дека се крчка месо во казан веројатно за чварки, но и дека се подготвуваат домашни колбаси.

Фановите секогаш му коментираат дека е голем домаќин и дека мајка му сигурно се гордее со него.

Инаку Виктор неодамна беше актуелен во српските медиуми заради раскинувањето со неговата девојка, водителката Софија Спасовиќ, со која наводно Брена била во добри односи.

Прочитајте и Факти за љубовта на Лепа Брена и Боба Живојиновиќ - „Истата вечер кога ја запознав, реков дека ќе се оженам за неа“

М. М. | Црнобело