Синот на Брена витка сарми, Неда Украден крши погача со внуките - Како се славеше Св. Архангел Михаил во домот на познатите Срби?
- Детали
- среда, 22 ноември 2023
Новак Ѓоковиќ не беше дома за славата, Неда Украден ја покажа богатата трпеза, а Лепа Брена направи прослава со многу луѓе од јавниот живот на Србија... Како се славеше Св. Архангел во домот на познатите Срби?
Св. Архангел Михаил (21.11) е еден од најголемите верски празници во Србија. А, меѓу оние кои го чествуваат овој светец и го слават се и Лепа Брена, Новак Ѓоковиќ и Неда Украден.
Тие секоја година прават вечера за пријателите, а дел од атмосферата споделуваат и на социјалните мрежи.
Оваа година, како по обичај, голем дел од естрадата дојде на гости кај Лепа Брена и Боба Живојиновиќ.
Меѓу нив беа и Саша Поповиќ, Ацо Пејовиќ, Драган Стојковиќ – Пикси, Маре Милошевиќ, но и Млаѓан Динкиќ, пренесоа српските медиуми.
Пред славата, помалиот син на Брена и Боба, Виктор, покажа како се подготвува славската трпеза и преку Инстаграм Стори се пофали дека помогнал да се свиткаат сармите.
„Сè е подготвено“, напиша Виктор.
Тој откри и дека меѓу гостите на славата бил српскиот патријарх Порфириј.
Порфириј минатата 2022 година беше гостин кај семејството Ѓоковиќ, кое исто така го слави Св. Архангел Михаил.
Тие лани направија голема забава, но оваа година Новак го прослави денот во Малага, Шпанија, каде што е со репрезентацијата на Србија, а каде што ќе се играат натпревари од Дејвис купот.
Новак на Инстаграм објави фотографија од икона и богата трпеза, па им ја честита славата на сите на кои Архангел Михаил им е заштитник.
„Среќна слава на светиот Архангел Михаил, нашиот ангел заштитник. Се молиме да ги штити сите луѓе, да ги благослови и да ги води низ животот во спокој, љубов и здравје“, напиша тенисерот.
Св. Архангел Михаил е домашна слава и на пејачката Неда Украден.
Таа оваа година славската погача ја кршеше со своите внуки, а на Инстаграм објави и неколку фотки од семејната вечера и богатата трпеза.
„Кога домот ќе замириса на традиција“, напиша Неда на Инстаграм.
Би можело да ве интересира:
Препорачуваме
Најчитани неделава
