Познати Србинки кои претрпеле физичко насилство од своите партнери - денес се силни и самостојни

Мина Лазаревиќ

Актерката Мина Лазаревиќ била претепана од нејзиниот сопруг, балетанот Горан Станиќ, во 2015 година. 

Тој физички ја нападнал актерката, а потоа ја исфрлил од станот, но таа не го пријавила во полиција. Дури следниот ден, кога Станиќ пукал со автоматска пушка од балконот на нивниот стан, полицијата дошла на повик на вознемирени соседи и ја затекнала претепаната актерка.

Станиќ склучил договор со Првото основно обвинителство во Белград за признавање на кривичното дело „семејно насилство“ и недозволено поседување огнено оружје.

Судот го прогласи Станиќ за виновен и тој беше осуден на една година затвор.

Гоца Тржан

Пејачката призна дека поранешниот сопруг во минатото ја малтретирал, како и дека ја прислушувал.

„Првиот пат кога го направи тоа не го напуштив, но кога почна да се повторува, си заминав. Ме удри толку силно, што ми го дупна ушното тапанче.

Не сакам да се сеќавам на тоа, но добро е да се знае, бидејќи такви работи се случуваат и не треба да се молчи за нив“, изјави еднаш Гоца.

Милица Дабовиќ

Кошаркарката Милица Дабовиќ во 2017 година била претепана од нејзиното поранешно момче, хрватскиот ракометар Шиме Шиклиќ - Симон. 

Милица целиот случај го пријави во полиција, а Симон заврши на суд.

Ракометарот ја призна вината и доби условна казна од девет месеци, но поради насилство врз жените беше протеран од Србија и доби пет години забрана за влез во земјата.

Ана Марија Жујовиќ

Фитнес шампионката во 2015 година била претепана од нејзиниот тогашен партнер, водителот на Пинк, Влада Станојевиќ. 

Целата приказна имаше епилог на суд. 

Против Станојевиќ беше започнат судски процес, а тој токму во тој момент одлучи да замине во Америка за да го усоврши англискиот јазик. Ана Марија остана во Србија и судскиот процес не доби завршница.

С. Ш. | Црнобело