Србинка пронајде љубов на 80 години: „Во брак сме 2 години, се запознавме на Фејсбук, помлад е 13 години“

Детали

вторник, 14 април 2026

Дека љубовта не познава возраст, докажува Оливера (83) која во деветтата деценија запознала маж во кого се вљубила и стапила во брак по една година познанство... 

Србинката Оливера Павловиќ нашла љубов на почетокот на деветтата деценија од животот.

Откако останала вдовица, а децата биле преселени во странство, таа добила рак на хранопроводот и сфатила дека болеста ѝ е поради осаменоста и стравот дека остатокот од животот ќе го помине сама.

Така се зачленила во неколку групи за пензионери на Фејсбук и преку нив го запознала својот втор сопруг.

„Станав вдовица во 2019 година. Мојот сопруг почина по 52 години брак. И мислев дека е готово, крај, сè е готово, ништо не остана од животот.

Децата живееја во странство, се јавуваа секој ден, се слушаме, сè е убаво и прекрасно, но јас сум сама цело време.

И го поминавме животот во голема заедница затоа што нашиот свекор, свекрва, мајка ми, тетка ми, децата, сопругот и јас живеевме заедно. И одеднаш, од толку многу свет, јас останувам сама во огромна куќа, не знам каде одам со себе.

Потоа добивам рак на хранопровод и се оперирам. И почнувам да размислувам што ја предизвика оваа болест кај мене. Бидејќи моите се сите долговечни, и по таткова и по мајчина линија, сите живеат над 90 години.

Заклучив, по долго размислување, дека причината за мојата болест е токму тоа што сум сама.

И решив и се придружам на некое здружение на пензионери, не на едно, туку на неколку, преку Фејсбук.

И еден ден забележав дека на некои коментари што ги ставам на нечија приказна, само едно лице одговара на моите коментари. Тој не коментира кај никој друг освен кај мене“, рекла таа во интервју за Блиц.

Иако Оливера на почетокот не придавала големо значење на таа комуникација, па дури и ги одбила неговите обиди за понатамошен контакт и ги одбивала неговите барања за пријателство преку Фејсбук, во еден момент сепак одлучила да го прифати и да му даде шанса, но дури кога третпат ѝ пратил барање.

По почетокот на преписката, се појавила желба да се запознаат, но без очекувања и без големи планови.

Сепак, кога дознала дека тој е 13 години помлад (таа е родена во 1943-та, а тој во 1956-та), навикната на сосема поинаков живот, во кој нејзиниот сопруг бил многу постар од неа, сакала да прекине комуникација, зашто разликата во години ѝ изгледала неприфатлива.

Но, набрзо сфатила дека нивната комуникација и врска не се базира на возраст, туку на разбирање, комуникација и енергија.

„Се качувам во колата и одам да го земам. И на 4 јануари 2023 година, тој дојде кај мене во Белград, моите деца дојдоа од странство да ги поминат празниците заедно, го запознаа.

Тој дојде и никогаш не се врати во Крагуевац, никогаш! И така двајцата останавме заедно, па на 11 април 2024 година, една година подоцна, решаваме да се регистрираме“, рекла Оливера.

Погледнете го видеото:

А. Ј. | Црнобело