„Била 5 месеци во кома откако ме родила“ – Северина сподели видео од фотосесија со мајка ѝ

Детали

среда, 13 декември 2023

„Пет месеци била во кома откако се породила со мене, но вели дека вредело“ – напиша Северина до видеото на кое позира со мајка ѝ за насловна страница. „Ќерко, многу ти е тешка работата“ – на крај ѝ вели мајката на пејачката.

Хрватската пејачка Северина Вучковиќ позира со мајка ѝ Ана за насловната страница на едно списание, а синот Александар трча околу фотографите и камерите, и во кадарот може да се види само накратко.

До видеото, Северина сподели краток опис во кој повторно нагласи дека нејзината мајка го жртвувала сопствениот живот за да ја роди. Во описот таа го користи прекарот, што вообичаено го користи за нејзината мајка: „Тито“.

„Тито и јас. Пет месеци била во кома откако се породила со мене, но вели дека вредело“.

Во видеото може да се види како Северина и мајка ѝ позираат во домот на пејачката, а Северина ја охрабрува дека е многу убава и вели дека првпат се сликаат за некоја насловна страница, па ѝ покажува и како да ја стави ногата и каде да гледа.

Во еден миг и малиот Александар истрча околу камерите, па Северина возбудено вели:

„А, еве ни ја и нашата љубов“.

На крај, мајка ѝ на Северина вели:

„Епа, ќерко, мора да ти признаам многу ти е тешко кога се сликаш“.

Инаку, ова не е првпат Северина да каже дека мајка ѝ пет месеци била во кома по породувањето со неа.

Во 2019-та година, пејачката сподели уште една фотка со мајка ѝ од детството до која напиша:

„Таа била пет месеци во кома по породувањето со мене, но преживеала и веднаш ме научи дека е подготвена и да умре за мене, како што сум јас подготвена за мојот син, но дека ќе биде посреќна, многу посреќна да живее за нас... Ти благодарам мајко, за сѐ“.

Погледнете го видеото со Северина и мајка ѝ:

Б. С. Б. | Црнобело