Ивана Шпановиќ го врати моминското презиме и откри дека се разведува: „Приоритетите ни се променија“

Детали

понеделник, 18 декември 2023

„И двајцата влеговме во брак со истите желби и потреби, што се променија во различни правци“ – српската атлетичарка Ивана Шпановиќ откри зошто по 2 години брак одлучила да се разведе од сопругот. Додека таа останува во Србија, тој се пресели во Дубаи.

Српската атлетичарка Ивана Шпановиќ објави дека се разведува од сопругот Марко Вулета, по само две години брак. Таа не крие дека минува низ тежок период, откако нејзиниот сопруг одлучил да се пресели во Дубаи.

Ивана, кога се омажи често наидуваше на критики затоа што го промени презимето во Вулета, а сега по само две години јавно потврди дека таа и сопругот се разведуваат, и веднаш си го врати моминското презиме.

„Иако го разбирам јавниот интерес, секогаш се трудев приватниот живот да остане приватен. Со оглед на тоа што јас и Марко се разведуваме, и двајцата минуваме низ емотивен период што го сметаме за заеднички неуспех.

И на двајцата ни е потребен личен простор и почитување на интимата, за да можеме и двајцата побрзо и побезболно да се вратиме на сопствените животи“ – изјави Ивана за српските медиуми.

Таа накратко ги искоментира и причините заради која со сопругот одлучиле да се разделат, па рече:

„И двајцата влеговме во брак со истите желби и потреби, што, заедно со нашите лични амбиции, погледите на иднината, приоритетите и изборите се променија во различни правци“.

Инаку, нејзиниот сопруг Марко откри дека се преселил во Дубаи и ја покажа новата канцеларија.

За потсетување, српската атлетичарка Ивана Шпановиќ и Марко Вулета стапија во брак во септември 2021-ва година.

Тие двајца живееја заедно во нивниот дом во Нови Сад, сѐ до моментот додека не одлучија да се разведат.

Прочитајте и Планираше свадба со друг пред да се омажи за Марко Вулета – Кој е сопругот на Србинката Ивана Шпановиќ, најдобрата светска атлетичарка?

Б. С. Б. | Црнобело