Факти за актерот Енгин Акјурек: Важи за најпосакуван турски ерген, „обвинет“ е за разводот на Демет Оздемир

Исто така, по најавата дека неговата колешка Демет Оздемир се разведува по само 8 месеци брак, дел од турските медиуми почнаа да пишуваат за наводна афера меѓу неа и Енгин.

Tурскиот актер долго време привлекуваше внимание и заради тоа што сѐ до 2022-ра година не сакал да отвори профили на социјалните мрежи. Кога го прашуваа како може да живее таков живот, тој одговараше дека не живее затворен живот, туку дека си го живее животот.

Тврди дека секој ден има рутина во која на неколку часа го гаси телефонот за да може да ужива во мир и спокојство.

Исто така, за него важи правилото дека кога е излезен на вечера или со пријатели, мобилниот телефон мора да биде превртен и да не го вознемирува, а смета дека луѓето што чепкаат на мобилните телефони додека се излезени се некултурни.

Уште еден интересен детаљ за него е тоа што мрази да оди во шопинг и облеката ја избира најчесто сам, но секогаш го купува првото што ќе го види. Никогаш не носи панталони или обоени фармерки, а тврди дека сака да живее едноставен живот.

Б. С. Б. | Црнобело