Кои се најпознатите турски актери за 2023 и колку пари заработиле?

Ебру Шахин - 300.000 турски лири (9.220 евра)

Сопругата на НБА кошаркарот Џеди Осман, која правеше свадба во Охрид, исто така е меѓу најпопуларните за минатата година. Сепак, нејзиниот хонорар е далеку зад она што го заработува нејзиниот сопруг.

Ханде Ерчел - 300.000 турски лири (9.220 евра)

Актерката која играше во серијата „Чукни на мојата врата“ и во 2023-та година беше меѓу најпопуларните актери во Турција.

Серенај Сарикаја - 500.000 турски лири (15.375 евра)

Актерката која ја толкува улогата во познатите серии на Нетфликс, Shahmaran и Phi, и во изминатата година беше меѓу најпопуларните турски актерки. Таа успеа да заработи речиси двојно повеќе од некои свои колешки.

Демет Оздемир - 500.000 турски лири (15.375 евра)

Убавата Демет во 2023-та се омажи, па се разведе по само 8 месеци брак. Но, сепак работеше напорно и успеа да напредува во кариерата, па оствари солидна заработка од над 15.000 евра.

Енгин Акјурек - 500.000 турски лири (15.375 евра)

Важи за еден од најзгодните и најпосакуваните актери, а на листата на популарност во 2023 се најде на второто место. Има еднаква заработка со неговите две најпопуларни колешки.

Киванч Татлитуг – 1 милион турски лири (30.750 евра)

Турскиот Бред Пит и во 2023 остана најпознат и најплатен турски актер. Пред крајот на годината беше објавен и неговиот најнов филм на Нетфликс, Last Call for Istanbul, кој доби голем број позитивни критики.

Б. С. Б. | Црнобело