Важи за најголема „плачка“ во турските серии, гладува за да биде витка - Факти за Бестемсу Оздемир

Детали

сабота, 20 јануари 2024

Признава дека гладува за да го одржи извајаното тело, до 17 години била како момче и имала споени веѓи, а откако изгубила на облог, морала да почне да ја покажува женственоста. Факти за Бестемсу Оздемир, една од најпровокативните турски актерки во моментов.

Бестемсу Оздемир е една од најубавите и најпровокативните турски актерки, која заради својата извајана фигура може да им парира на голем број светски топ модели и манекенки.

Играла во голем број познати турски серии, а освен со талентот за глума, внимание привлекува и со извајаното тело.

Бестемсу била родена на 20-ти април, 1991-ва година во Истанбул, но кога имала 2 години нејзините родители одлучиле да се разведат, по што таа со мајка ѝ заминала да живее кај баба ѝ и дедо ѝ во Анкара.

Подоцна се вратила во Истанбул да живее со мајка ѝ и таму завршила во средното училиште Saint Benoît French.

Во една пригода рече дека целиот живот го поминала оддалечена од роднините на татко ѝ, дека нема никаков контакт со него, но дека нема трауми затоа што израснала само со еден родител.

Во тинејџерските години, Бестемсу повеќе се однесувала како момче. Вели дека до 16 или 17 години имала „споени веѓи“ и носела момчешка облека, сè додека еден ден другарките не ѝ ги искубале веѓите откако изгубила облог, а потоа почнала да се облекува и поженствено.

Таа се запишала на студии за моден дизајн, но набрзо потоа почнала да работи како модел, а на предлог на нејзиниот агент се запишала и на часови по глума.

Продолжува на следната страница...