Српски пејачи кои биле уапсени (и завршиле во притвор)

Детали

вторник, 30 јануари 2024

Теа Таировиќ била фатена со непријавени пари, Раста со дрога, а Бора Чорба обивал станови. Многу од познатите пејачи во Србија имаат отидено зад решетки или барем во притвор.

Иако престојот во затвор можеби им ја зголемил популарноста, српските пејачи кои морале извесно време да поминат во затвор велат дека тоа за нив било навистина непријатно искуство.

Кои од српските музичари завршиле во притвор или одлежале затворска казна?

Јана Тодоровиќ

Минатата година, фолк-дивата Јана Тодоровиќ била приведена на аеродромот во Цирих, бидејќи немала дозвола да пее и ноќта ја минала во притвор и со првиот лет била депортирана во Србија. 

Пејачката требало да од Цирих да замине во Луксембург, но наводно ги немала потребните документи, па настанал проблем.

Ана Николиќ

Пејачката Ана Николиќ пред три години поминала ноќ во полициската станица Раковци, каде влегла во конфликт со полицајците.

Имено, пејачката возела под дејство на алкохол и ѝ биле измерени 2,03 промили алкохол во крвта, по што заедно со нејзиниот брат биле задржани во станица на трезнење.

Од овој настан Ана направила општ хаос.

Бора Чорба

Фронтменот на групата „Рибља чорба“ бил седум дена во истражен затвор како средношколец, затоа што со друштвото обивал станови на богати луѓе и крадел пари, а со парите купувал инструменти.

Здравко Чолиќ

Здравко Чолиќ своевремено бил уапсен и тогаш тоа било главна тема во медиумите.

Имено, во текот на 80-тите сакал да започне свој бизнис и токму кога сакал својата идеја да ја спроведе на дело, бил уапсен, и тоа во Македонија, поради сомнение за купување девизи, а потоа бил пуштен да се брани од слобода.

„Бев еден вид менаџер и вложив одредена сума пари во областа на телефонијата, но пошироката јавност дозна дека се занимавав со мал бизнис токму кога бев уапсен во Охрид, затоа што кредитните средства ги претворав во девизи.

Тогаш беше поевтино да се купат девизи во Македонија отколку во Белград и Загреб“, има откриено пејачот.

Иако бил приведен, сепак во станица бил дочекан како ѕвезда, а потоа го пуштиле да преспие во хотел, за наутро да доаѓа на разговор во станица.

По три дена бил пуштен да се брани од слобода.

Продолжува на следната страница