Северина во солзи пред публиката - Не можеше да ја испее песната посветена на синот (видео)

Детали

сабота, 27 јануари 2024

„Моја обврска, моја должност беше да станам, да се облечам, да се нашминкам, да направам фризура и да ви се поклонам“ – им порача Северина на фановите кои се собраа на нејзиниот концерт во Јахорина. Но, пејачката не смогна сили да ја испее песната посветена на синот Александар.

Деновиве топ тема во регионалните медиуми е веста дека хрватската пејачка Северина Вучковиќ по вторпат го загуби старателството над синот Александар (12).

Но, ниту личната трагедија не ја спречи да застане на сцената во Јахорина и да отпее некои од своите најголеми хитови во еден глас со публиката.

Таа на својот Инстаграм профил објави видео од настапот, до кое напиша:

„Мислевте дека нема да дојдам? Дека ќе го откажам концертот? Моја обврска, моја должност беше да се појавам денес.

Да станам, да се облечам, да се нашминкам, да направам фризура и да ви се поклонам.

Да се поклонам на малите и немоќни жени што ми даваат сила мене, за овие денови воопшто да смогнам сили и секое утро да станaм од креветот и да ги испратам детето во училиште, па на сите вас кои ме опсипувате со неизмерна љубов да се обидам лично да ви се заблагодарам“ – порача меѓу другото, Северина.

Таа им се заблагодари на сите за безрезервната поддршка што ја добива во овие тешки денови од нејзиниот живот и за крај порача:

„Психопатите се психопати, но имаат и една голема доблест, а тоа е што ви се посветуваат стоотстотно“...

Освен ова, на социјалните мрежи масовно се споделува и видеото на кое Северина во солзи следеше како придружните вокали ја испеаја песната што таа му ја посвети на синот Александар „Rodjeno moje“, а самата не можеше да ги пее познатите стихови, затоа што плачеше.

Имено, Северина оваа песна ја отпеа и му ја посвети на синот, првиот пат кога го загуби старателството пред пет години.

Но, очигледно, синоќа во Јахорина, емоциите ја совладаа, па таа не смогна сили да ја испее песната.

Погледнете го видеото:

Прочитајте и „Мамо, немој да ме оставаш“ – Северина објави емотивно видео со синот + Како Милан ја искористи грешката на судиите?

Б. С. Б. | Црнобело