Иван Маринковиќ тврди дека се развел од Гоца Тржан бидејќи го изневерила (видео)

Детали

среда, 07 февруари 2024

„Беше очигледно дека нешто се случува. Дури мислев и дека сум луд. Жените не сфаќаат дека паѓаат на ситници. Каде има жена ти да ти кажува дека ќе оди да преспие кај другарка? Мажена жена да спие таму?“, кажа поранешниот сопруг на Гоца Тржан во реалното шоу „Задруга: Елита“.

Поранешниот сопруг на Гоца Тржан, Иван Маринковиќ, кој учествува во реалното шоу „Задруга: Елита“, откри дека пејачката го изневерила додека биле во брак. Ова е првпат, по сите јавни караници, препукувања и обвинувања, Иван да каже дека Гоца му била неверна.

Тој, заедно со неколку од учесниците во реалното шоу зборуваше на тема „љубомора и емотивни односи“, па меѓу работите што ги кажа, го спомена и неверството.

„Јас не ни знаев што е љубомора, освен преку оние момчешки моменти. Кога ме изневери бившата, тогаш видов како од љубомора произлегува лага. Забележав нешто што никој друг не го забележа.

На моменти, кога бев во брак, чувствував љубоморна, а не знаев зошто. Чувствував дека нешто не е во ред, дури мислев и дека сум луд.

Првата и најважна работа е дека жените не сфаќаат дека паѓаат на ситници. Каде има жена ти да ти кажува дека ќе оди да преспие кај другарка? Мажена жена да спие таму? Каде го има тоа?“, кажа Иван.

Тој кажа дека во нивниот случај бракот завршил со многу брз развод.

„Беше очигледно дека нешто се случува. Пред Јелена (сегашната сопруга) немав долги врски. По бракот (со Гоца) немав никаква сериозна врска, да бидам искрен.

Има уште многу што сакам да кажам на оваа тема, но ќе оставам за друг пат“, додаде Иван.

Гоца засега нема јавна реакција по обвинувањата на нејзиниот бивши сопруг.

Таа во минатото често зборуваше за бракот со Иван и го опишуваше како еден од најлошите делови од нејзиниот живот.

Парот од овој брак ја има ќерката Лена, која скоро и да не го гледа својот татко.

По разводот, Гоца се омажи за музичарот Раша Новаковиќ, а Иван, откако доби дете со Миљана Кулиќ, која ја запозна во „Задруга“, стапи во брак со Јелена.

Погледнете го видеото:

Прочитајте и Скандалите на Гоца Тржан со бившиот сопруг продолжуваат - Таа го нарече „најголема грешка во животот“, тој ѝ возврати

А. Ј. | Црнобело