CRNOBELO во Белград: Како беше зад сцената на српскиот избор за Песна на Евровизија? (видео)

Детали

недела, 03 март 2024

На српскиот избор, кој траеше три вечери и се одржуваше во студијата на РТС на Кошутњак, беше и CRNOBELO.com. Како си поминавме и како изгледаше изборот зад сцената?

Во Белград вчеравечер (02.03) се одржа финалето на српскиот извор за Песна на Евровизија, а победата ја однесе Теја Дора и нејзината песна „Рамонда“. За многумина очекувано, бидејќи заедно со Бресквица и Констракта, таа беше еден од фаворитите за победа.

Теја Дора

На српскиот избор, кој траеше три вечери и се одржуваше во студијата на РТС на Кошутњак, беше и CRNOBELO.com. Како си поминавме и како изгледаше изборот зад сцената?

Веќе неколку години наназад, српскиот избор за Евросонг, важи за еден од најдобро организираните, најзабавните и со најсилна продукција во регионот.

Некогашната „Беовизија“, денес под името „Песна за Евровизија“ (ПЗЕ) од „Сава центар“ се пресели во студијата на РТС на Кошутњак, а се одржува без публика.

Марко Мандиќ

Затоа, пак, постои посебен дел за фотографирање и интервјуа, каде што може да влезат само пејачите, членовите на нивните тимови и акредитираните новинари.

Тука се случува вистинската забава - се „бркаат“ изјави и интервјуа, некои пеат, се разменуваат контакти, се лобира за гласови. И сето тоа во една опуштена атмосфера, каде што има многу смеење и фотографирање.

„Кени није мртав“

Секогаш најголемата гужва е околу фаворитите.

Теја Дора два дена беше опкружена со новинари, камери и блицови, а таа опуштено одговараше на сите прашања.

Теја Дора

Бресквица, која исто така беше меѓу милениците на публиката и еден од фаворитите за победа, не можеше да „крене глава“ од новинарите.

Но, пред да се соопштат гласовите во финалето, ja прашавме: „Која ти е омилена евровизиска песна?“

Бресквица

„Гнездо орлова“, ни кажа таа.

Ова е песната што Бресквица ја пееше на ПЗЕ2024.

Продолжува на следната страница...