Тој е Србин, таа е Русинка, се запознале во Турција како деца – по 12 години се свршени

Детали

петок, 05 април 2024

„Го запознав мојот Србин кога имав само 15 години, мислев дека нема никогаш повеќе да се видиме“... Русинка раскажува како љубовта ја донела во Србија и одлучила да се пресели на Балканот.

Србин и Русинка имаат уникатна љубовна приказна. Тие докажуваат дека љубовта не познава граници, ниту километри и дека сѐ е возможно кога срцето те води.

Анастасија Слаупова е Русинка која на ТикТок ја сподели својата уникатна љубовна приказна со Србинот Давид.

Таа раскажува како кога имала само 15 години на одмор во Турција се запознала со Давид од Србија, кој веднаш ѝ се допаднал.

Тие двајца размениле контакти на социјалните мрежи, но сѐ останало на тоа додека не се сретнале 12 години подоцна.

Во видеото, таа кратко појаснува како се преселила во Србија и како одлучила оваа земја да биде нејзиниот нов дом:

„Тука дојдов заради моето ново момче, тој е Србин. Ние се запознавме пред 12 години во Турција. Јас бев на одмор со родителите и имав само 15 години. Во хотелот запознав едно многу фино момче.

Двете недели во Турција ги поминавме заедно, игравме пикадо, јадевме заедно во кафулето, одевме на плажа, си игравме во базенот“ – раскажува таа.

Анстасија вели дека кога му го дала својот Фејсбук профил мислела дека никогаш повеќе нема да се видат. Таа се вратила на својот живот во Сибир и мислела дека никогаш повеќе нема да се сретнат.

Анастасија завршила училиште, факултет, па одлучила да се пресели во градот Геленџик, на брегот на Црното Море, каде почнала да работи.

Додека живеела тука, Анастасија и Давид ги обновиле контактите и почнале секојдневно да се допишуваат.

Давид ја изненадил со тоа што без нејзино знаење купил авионски билет за Русија за да се видат.

„Не можевме да веруваме дека повторно сме заедно. Се чувствуваме како последен пат да се видовме претходниот ден.

Одлучивме дека не сакаме врска на далечина и дека јас треба да се преселам во Србија. Не размислував долго, знаев дека сакам да бидеме заедно“ – напиша таа.

Давид и Анастасија веќе една година живеат заедно во Србија, тие се верени, а оваа Русинка во меѓувреме се вљубила во Србија, во храната, нашла пријателки и го научила јазикот.

@slaupik

#serbia #pleskavica #rostiljbrend #relationship #belgrade

♬ original sound - ⚡Samo Hustle⚡

Б. С. Б. | Црнобело