„Мислеше дека сум милионер, а јас живеев во распаднато студио“: Мили за љубовта со згодната сопруга

Детали

четврток, 30 мај 2024

„Ја прашав дали има дечко и ми кажа дека е во врска. Веднаш ѝ кажав: Види, планот е ваков - ти јави му се и кажи му дека не може да бидете заедно, дека не е тоа - тоа. Јас ќе те барам околу пладне, ќе дојдам по тебе и веќе нема да се одвојуваме“, раскажал Мили за љубовната приказна со прекрасната сопруга Нина.

Продуцентот и музичар Александар Милиќ Мили, кој е еден од членовите на жирито на „Ѕвездите на Гранд“, е во долг и хармоничен брак со сопругата Нина, со која има две деца.

Тие важат за еден од најскладните парови на српската естрада, а Мили често знае да каже дека добил премија во животот кога ја запознал Нина.

Мили, кој потекнува од семејство на лекари, отсекогаш сакал да се занимава со музика. И токму некаде на врвот на својата кариера, ја запознал Нина.

Во тоа време Мили живеел во луксузна вила на Дедиње во Белград, и тоа на улицата „Ужичка“, позната по раскошните резиденции, каде што живее српскиот „крем“, но и многу дипломатски семејства.

Една од тие раскошни вили припаѓала на пријател на Мили, па бидејќи пејачот му завршил голема работа, пријателот му ја отстапил за да живее таму некое време.

„Живеев во куќа од 3.000 квадрати, која беше резиденција на кинескиот амбасадор. Таму си направив студио и простор за живот, мојата спална соба имаше 250m², само каминот беше долг 6m.

Имав свој парк, обезбедување, сè што може да се замисли. Некои француски новинари се чудеа како музичар може да си го дозволи сето тоа.

Тогаш се дружев со десетина девојки кои доаѓаа во вилата да слушаме музика, гледавме филмови, игравме игрички. Јас не знаев дека тие редовно ѝ раскажувале на Нина што се случува таму“, рекол Мили.

Нина во тоа време студирала во Италија и никогаш не дошла во вилата на Дедиње кај Мили. Во меѓувреме тој се иселил од вилата и почнал да живее во студио од само 15m² на Дорќол.

„Дури откако се преселив од вилата ја запознав Нина. Другарките за мене ѝ кажувале дека сум цар кој живее на Дедиње, мислеше дека сум милионер, а јас, всушност едвај имав простор за било што во студиото што се распаѓаше“, додал тој.

Мили признал дека тоа била љубов на прв поглед и дека веднаш знаел дека таа еден ден ќе му биде сопруга.

Но, веќе следниот ден откако се запознале, таа се вратила во Италија и дошла во Србија по 6 месеци, за дочекот на 2004 година.

Новата година ја дочекале заедно, а веќе следниот ден излегле на кафе.

„Ја прашав дали има дечко и ми кажа дека е во врска. Веднаш ѝ кажав: Види, планот е ваков: ти јави му се и кажи му дека не може да бидете заедно, дека не е тоа - тоа.

Јас ќе те барам околу пладне, ќе дојдам по тебе и веќе нема да се одвојуваме“, раскажал Мили.

Иако на Нина ѝ било смешно, сепак, го прифатила неговиот предлог и повеќе од 20 години се заедно.

Парот се свршил во Монако и се венчале во 2005. Следната година ја добиле ќерката Миа, а брзо потоа и синот Маркус.

Мили често знае да каже дека е најсреќниот човек на светот.

„Имаме совршен брак. Да го цртав, немаше да успеам да го нацртам така. Не можев да сретнам попаметна и поубава личност од Нина“, вели Мили за сопругата.

А. Ј. | Црнобело