Николина Пишек позира со влакна под пазувите, по примерот на светските ѕвезди – тренд или одвратна навика?

Детали

четврток, 13 јуни 2024

Фотките на хрватската ТВ водителка Николина Пишек на кои таа позира со влакна под пазувите станаа хит во сите регионални медиуми. Се чини дека таа одлучила да го следи примерот на некои светски ѕвезди и да паузира од депилација и бричење. Или е несакана случајност?

Да признаеме отворено. На сите може да ни се случи неколку дена да не ги избричиме влакната под пазувите, но ретко која жена ќе се осмели да позира во фустан без ракави и да покаже дека ги чува „шишките под мишките“.

Николина важи за една од регионалните ТВ ѕвезди која е секогаш средена, дотерана и уредна, а сега јавно покажа дека и таа има периоди кога едноставно сака да ги прекрши правилата.

Таа на Инстаграм Стори објави видео на кое ја средува косата со фигаро, но во еден миг кога со рацете ја поткрена косата, се виде дека има влакна под пазувите и дека го следи трендот на некои познати светски ѕвезди, па сака понекогаш да одмори од депилација и бричеви.

Николина можеби е прва ѕвезда во регионот што јавно покажа дека го следи трендот на Мадона и нејзината ќерка Лурдес, Емили Ратајковски, Мајли Сајрус...

Емили Ратајковски позираше со небричени пазуви за насловната страница на Harper’s Bazaar, а во својот есеј за списанието, рече дека влакната на телото прават да се чувствува секси.

Таа меѓу другото, напиша:

„Дајте им на жените можност да бидат што ќе посакаат. Според мене влакната на телото се уште една можност за жените да го искористат своето право за избор“.

Што мислите вие? Дали овој тренд треба да се прифати, или станува збор за одвратна навика, што нема потреба да се нормализира?

Б. С. Б. | Црнобело