Србин заработи казна од 20.000 евра – Нема веќе фотографирање со папагали во Пефкохори

Детали

петок, 05 јули 2024

Им ги отсекол пердувите на папагалите, па наплаќал по 10 евра за фотографија со нив – Србин заработил огромна казна во Пефкохори во Грција, заради злоупотреба на животни.

Српските и грчките медиуми ја пренесуваат веста за Србин кој заработил огромна казна во Грција, откако се обидел да се послужи со трик за заработка.

Корисниците на социјалните мрежи, пак, тврдат дека казната е превисока.

Засега не се именува идентитетот на Србинот, но тој се товари дека извршил злоупотреба на животни и му била изречена казна од вртоглави 20.000 евра.

На Инстаграм профилот Nikana.gr е објавено кратко видео на кое се гледа неименуваниот Србин и двата папагали, кои беа главна атракција за дечињата и туристите.

Тој секоја вечер бил присутен на шеталиштето во познатото туристичко место и наплаќал по 10 евра за фотографија со двата папагали.

Но, како што информираат грчките власти, по добиена поплака од загрижени туристи, екипите за заштита на животните утврдиле дека на двете птици им се отсечени пердувите на крилјата за да не можат да одлетаат.

„Крилјата на птиците беа осакатени.

Многу ни е жал што некои луѓе пишуваат дека тоа што го направивме не е во ред, но очигледно сметаат дека е во ред да се отсечат пердувите на животните и да ги искористуваат за да заработат пари.

Сметаме дека ова е неприфатливо и дека е ужасно нарушување на правата на животните, а ќе продолжиме да ги гониме сите за кои ќе се докаже дека ги прекршуваат правата на животните“ – се вели меѓу другото во соопштението.

?ref=embed_post

Птиците на Србинот му биле одземени, а дел од корисниците на социјалните мрежи сметаат дека нему му е нанесена неправда, затоа што традицијата за фотографирање со птици на кои им се отсечени крилјата траела со децении наназад.

Погледнете уште неколку фотки од папагалите во продолжение:

Б. С. Б. | Црнобело