Карлеуша прослави 46-ти роденден и откри дека има нов дечко: „Третата свадба ќе биде лудница, од секој бивши имам прстен“

Детали

понеделник, 19 август 2024

„Мене секој маж со којшто сум била ме запросил. Едно време ги собирав тие свршенички прстени, ги имам во некое кутивче, ги чувам сите“ – откри Јелена Карлеуша во големото интервју што го даде по прославата на нејзиниот роденден. Таа откри дека има нов дечко и дека веќе размислува за третата свадба.

Српската пејачка Јелена Карлеуша, во саботата (17.08) го прослави својот 46-ти роденден, а одлучи истиот ден да ги почести своите фанови со ново изненадување.

Таа го објави видеоспотот за нејзината песна Benga.

На нејзиниот Инстаграм профил се објавени повеќе фотки на кои пејачката позира со големата торта на пет ката, која е декорирана со срциња во различна големина, а за сè да биде усогласено, таа позираше во провокативен црвен стајлинг.

Набрзо по прославата на роденденот, Карлеуша даде интервју за медиумите во коешто откри дека веќе има нов дечко.

На прашањето на новинарите дали во нејзиниот живот постои некој и дали е вљубена, Јелена накратко одговори:

„Можам да кажам дека постои некој. Но, сè во свое време… Душко и јас долго не сме во односи како сопруг и сопруга, односно повеќе од пет години и би било нереално мене никој да не ми се додворува, мене никој да не ми се допаѓа и некој да не ме прегрнал или да не ме бакнал.

Нe велам дека сум заљубена, но задоволна. Не сум некој што блеска заради некој друг, јас главно блескам кога сум задовoлна самата со себе“.

Карлеуша одговараше и на други прашања поврзани со нејзиниот приватен живот, па така откри дали по два пропаднати брака би сакала повторно да застане пред олтар.

„Морам да ви кажам една тајна, поточно не тајна, туку вистина. Тоа е дека мене секој маж со којшто сум била ме запросил.

Едно време ги собирав тие свршенички прстени, ги имам во некое кутивче, ги чувам сите. Имам анегдота со првиот сопруг Бојан, со кого неколкупати се свршувавме, па раскинувавме…

Така што само од него имам неколку прстени и секој нареден од нив беше подобар и подобар, поскап и поскап.

Што се однесува до бракот, кога ќе помислам на него, јас веднаш замислувам како би изгледала венчавката од продукциска смисла.

Мислам дека третиот пат ќе биде вистинска лудница. Никогаш не се знае што носи денот, а што ноќта. Јас не сум како другите жени да сонувам за љубов и страст.

Мене повеќе ме возбудува да одам во шопинг, отколку да имам секс“ – рече Јелена.

Јелена со сопругот Бојан Кариќ

Инаку пејачката засега не го открива идентитетот на нејзиниот нов дечко, а како што рече веќе воопшто не размислува за нејзиниот поранешен сопруг Душко Тошиќ со кого во моментов води процедура за спогодбен развод на бракот.

Прочитајте Јелена Карлеуша за првпат во 20 години прозборе за аферата што ѝ го уништи првиот брак: „Стрикото ме намести“

Б. С. Б. | Црнобело