Мајката на хрватскиот Кен, Марко Грубниќ, прослави 65-ти роденден – двајцата порцелански, како „препечени“ во солариум

Детали

петок, 27 септември 2024

Таа во гламурозен фустан со огромен букет, позира со синот во Versace кошула, а добија критики дека се премногу вештачки, како да се „прекварцани и пластифицирани“.

Хрватскиот стилист Марко Грубниќ е познат по својот уникатен моден стил, но и фотографиите кои претерано ги уредува, на кои изгледа како порцеланска кукла.

Но, и неговата мајка Бранка ужива во гламур, луксуз и впечатливи стајлинзи, па многумина велат дека изгледаат како Барби и Кен.

Неодамна, таа го прослави 65-тиот роденден, а по тој повод двајцата објавија фотосесија направена во домашна атмосфера, со стајлинзи како за црвен тепих.

„Викенд за славење... среќен роденден мами! Ми го правиш животот совршен, среќен и исполнет со љубов. Блескаш и горд сум што сум твој син.

Ти си кралицата на моето срце и не можеш да замислиш колку те сакам. Ти си ми најголема инспирација низ годините. Твојата сила, љубов, убавина и добрина се над сè останато што сум видел.

Листата може да оди до бесконечност. Ќе те сакам секој ден повеќе, до крајот на животот. Сè што сум јас и сè што имам, ти го должам на тебе“ – напиша Марко во емотивната честитка за мајка му.

На роденденската фотосесија, мајката и синот изгледаат гламурозно, но Марко повторно претерал со филтрите, па фановите покрај честитките, упатуваат и критики.

„Изгледате како прекварцана насловна страница за Барби и Кен“.

„Колку Фотошоп... прекрасна дама сте во живо, не дозволувајте толку да ве пластифицира на фотките“.

Бранка во минатото, за медиумите има изјавено дека не ѝ пречи тоа што Марко толку ѝ го менува ликот на фотките, бидејќи според неа, тоа е негов стил и профилот му е како разгледница.

Уште неколку фотки од роденденот на Бранка:

M. M. | Црнобело