Скандалозно српско семејство направи откривање на полот на бебето на Авалската кула (видео)

Детали

понеделник, 30 септември 2024

Адам Адактар очекува 4-то дете по ред за 4 години, а на сите деца им дава имиња на буквата „А“. Начинот на откривање на полот на бебето поттикна лавина од реакции.

Адам Адактар oд Чачак е српски претприемач, а популарност стекнал благодарение на реалното шоу „Адактарови“.

Себеси се нарекува „Бог на веѓите“ и покрај тоа што има свој салон, често патува, купува скапи автомобили и облека и се фали со луксуз.

Има три деца, а сега неговата сопруга Анџела е трудна со нивното четврто дете.

По двата сина Азија и Ара и ќерката Арена, тие повторно очекуваат девојче, кое сигурно ќе добие име на буквата „А“, како и претходните три.

Адактар ​​ги полни насловните страници не само со својата работа, туку и со арогантното однесување и промовирањето некултура. 

Ова семејство го нарекуваат и Кардашијанс од Србија.

Последниот потег со кој Адам повторно крена прашина е откривањето на полот на неговото 4-то дете, кое го направи на кулата на Авала.

Овој екстравагантен начин на откривање на полот сигурно воопшто не бил евтин, коментираат следбениците на Адам.

Розовата боја на кулата и огнометот означија дека Адам очекува девојче.

Кога ја најави бременоста на сопругата, Адам откри дека му се чини дека живее во оскаровски филм, а неговата сопруга е подеднакво луда како и тој, и дека 4 деца за 4 години, ниту една друга не би можела да му подари.

Инаку, Авалската кула е телекомуникациска кула, висока 204.68 метри, сместена на планината Авала, во Белград.

Видео од откривањето на полот:

Прочитајте и Му наплати 600 евра на Кеба за да го разубави, заработи милиони од цртање веѓи – Кој е Адам Адактар?

С. С. | Црнобело