Вложил 200 евра, а денес заработува по 100.000 евра месечно – Кој е српскиот крал на веѓите Бранко Бабиќ?

Детали

недела, 06 октомври 2024

Кога ги видел исцртаните веѓи на сопругата си помислил: „Леле, кој те унаказил вака?“. Сам измислил „јапонска метода“ за исцртување веѓи, а денес заработува и до 100.000 евра месечно. Кој е српскиот крал на веѓите, Бранко Бабиќ?

Србинот Бранко Бабиќ е богат бизнисмен и самопрогласен „крал на веѓите“ кој често знае да се фали со своето неверојатно богатство и луксузниот начин на живот.

Бранко е меѓу првите Срби коишто започнале свој бизнис со трајно цртање на веѓи, по што основал своја академија за разни техники на исцртување и продажба на производи, а себеси се нарече „крал на веѓите“.

Тој е по потекло од селото Ратково, во близина на Нови Сад, а во една пригода раскажа дека сосема случајно дошол до идејата за бизнисот.

„Едно утро ми се јави сопругата и ме праша што мислам за тоа да оди да си ги исцрта веѓите затоа што тоа ѝ одзема многу време дома и јас ѝ реков: ’Оди, направи ги‘.

Јас знам како треба да изгледаат веѓите, но кога си дојдов дома, гледам две коси линии и си помислив: ’Аууу, кој те унаказил вака‘.

Пребарував на Гугл за да ѝ покажам дека сигурни има некој што црта влакненца, кога нема. Или линии, или тараби.

Се растрчав по градот, најдов козметичарка и фризер, а на крајот и жена што тетовира веѓи.

По секој третман 100 евра ѝ давав нејзе, а 100 евра задржував за себе и сфатив дека тоа е сериозен бизнис и одлучив да влезам без никакво знаење, па на крајот се покажа дека било добро“ – раскажа тој.

Бранко вежбал како се цртаат веѓи на своите нозе, а со оглед на тоа што за цртањето со нож користел стапче за суши како држач, самиот решил да го нарече методот за исцртување „јапонска метода“.

„Ме мрзеше да работам, а сакав да заработувам. Имав план да се посветам на обучување во козметичката индустрија.

Во својот бизнис вложив 200 евра, а заработувам од 60.000 до 100.000 евра месечно. Немам никакво предзнаење, не сум нешто особено паметен, значи ова може секој да го работи“ – вели тој.

Денес Бранко има свој луксузен имот во селото каде што израснал со вештачко езеро и рибник, а живее на релација Србија – Монако.

Продолжува на следната страница...