Го напуштила свршеникот, признава дека става ботокс - Што знаеме за турската актерка Зехра Јилмаз?

Детали

сабота, 05 октомври 2024

Има само 30 години, а вели дека веќе неколку години наназад редовно става ботокс, затоа што на лицето има последици од силното стискање на вилицата. Додека сите очекуваа да се омажи со долгогодишното момче, таа ја раскина свршувачката. Што знаеме за турската актерка Зехра Јилмаз?

Македонската публика имаше можност да ја запознае преку улогата на Тугче во серијата „Приказната за Севда“, но и како Бетул во „Ранети срца“.

Но, патот до актерска кариера на турската актерка Зехра Јилмаз воопшто не бил лесен, затоа што имала проблеми со јазикот.

Зехра денес важи за една од најталентираните и најубавите турски актерки, иако во „Приказната за Севда“ толкуваше лик на негативка, а самата раскажа во една пригода колку ѝ било тешко да го најде својот пат до славата.

Таа е родена во Мерсин, Турција, во 1992-ра година, но кога имала 4 години со семејството се преселиле во Баку, Азербејџан, па таму учела во Азербеџанско-Руско училиште.

Зехра вели дека од мали нозе знаела дека сака да биде актерка, па затоа на 17 години се вратила во Истанбул за да се студира глума.

Но, имала голем проблем, затоа што зборувала турски јазик, но со руски акцент.

Како што вели, децата постојано ја прашувале дали некој од нејзините родители е странец и зошто зборува толку чудно.

Таа успеала да се запише на Универзитетот Мармарис, на одделот за Глума и телевизија, но за да може да глуми, морала да зема и часови по дикција.

Вели дека се случувало да се расплаче заради напорните часови, но на крај се исплатило. Успеала да ја добие првата улога која го означила почетокот на нејзината актерка кариера.

Во однос на изгледот, Зехра вели дека нема ништо против естетските корекции, а дека и самата веќе неколку години наназад става ботокс во брадата, за да ги коригира неправилностите на лицето коишто се јавуваат затоа што премногу ги стиска забите.

На приватен план Зехра беше во долга врска со пејачот Џем Белеви. Тие беа заедно од 2016-та до 2021-ва година, па дури и ја објавија свршувачката.

Продолжува на следната страница...