На 45 години стана мајка, зад себе има 2 неуспешни врски со спортисти - Бурниот љубовен живот на Марија Килибарда

Детали

сабота, 19 октомври 2024

Со години наназад јавно велеше дека сака да стане мајка, а потоа откако се разведе од партнерот кружеа гласини дека ѝ пречело тоа што тој од неа очекувал потомство. Се обиде да се помири со средношколската љубов, но среќата ја најде неочекувано, на 40 години – Бурниот љубовен живот на Марија Килибарда.

Марија Килибарда е една од омилените српски телевизиски водителки, а неодамна го привлече вниманието откако се дозна дека се породи на 45 години и на свет донесе ќерка, чиешто име сѐ уште не го открила во јавност.

Марија долги години е присутна на малите екрани во Србија, а нејзиниот љубовен живот отсекогаш бил интересен за публиката во регионот. Таа со години наназад јавно зборуваше дека би сакала да стане мајка, но се чинеше дека во љубовта не ѝ оди.

Таа беше во долга врска со ракометарот Огњен Кајганиќ, која траеше од 2008-ма до 2011-та година.

Во тој период тој играше во Грција, па водителката често патуваше во Атина за да се сретнат.

Но, иако имаше гласини дека парот дури направил и свршувачка, на крајот тие двајца се разделија, па велеа дека причина за тоа е што многу често биле разделени заради што емоциите меѓу нив згаснале.

По разделбата со Огњен, Марија одлучи да ѝ даде втора шанса на љубовта со момчето од средношколските денови, извесен Филип кого го чуваше подалеку од очите на јавноста – но, и оваа врска беше неуспешна, па парот се раздели во 2013-та година.

Во 2014-та година ја започна врската со кошаркарот Владимир Радмановиќ, кој ја запроси на нејзиниот 35-ти роденден.

Марија на барање на сопругот се венча во тајност во 2016-та година, но само неколку месеци подоцна почнаа да кружат вести дека парот се разведува, а наводно причината била заради тоа што таа не сакала да стане мајка.

По ова Марија во 2021-ва година ја започна врската со Бранислав Бане Вуќелиќ, со кого четири години веќе е во врска и не крие колку е среќна со него.

Тие двајца долго ја криеја својата љубов, но потоа Марија откри дека со него конечно ја открила вистинската љубов.

„За првпат во животот партнерот ми е најдобар пријател.

Во минатото мислев дека тоа не го сакам, дека ги имам своите пријатели и дека од партнерот ми се потребни други работи.

Дека секој ден мора да се случува огномет од страсти и дека сѐ мора да правиме заедно.

Тоа ја гуши врската и таа прегорува.

Таквиот однос не е ниту здрав, ниту долгорочно квалитетен.

Вистинска работа е да имаш некого чијшто број ќе го свртиш штом ти се случи нешто важно“ – искрено раскажа Марија.

Инаку, Бранислав не води јавен живот, но тој е син на актерката Љиљана Драгутиновиќ и на правникот и новинар Милорад Вучелиќ.

Во минатото беше познат по бурниот љубовен живот и забавите на сплавови, но се чини дека конечно се смири во прегратките на Марија.

Б. С. Б. | Црнобело