Се венчаа во Лас Вегас, сега таа се моли да се разведат – Љубовната приказна на Ела Дворник и 15 години постариот сопруг

Додека беа во брак, Ела тврдеше дека е пресреќна затоа што е финансиски независна во заедницата, а дека до себе има партнер којшто целосно ја разбира и има слух за нејзините потреби.

Чарлс по бракот со Ела се пресели во Хрватска, но во 2022-ра година објави дека се враќа во Лондон, затоа што му недостасува работата. Наводно не му се допаѓало тоа што половично бил во пензија.

По ова почнаа да кружат гласини дека парот се разведува, па на крај во август 2023-та година Ела потврди дека тие почнале процедура за развод и дека веќе неколку месеци не живеат заедно.

Пред два месеци кога Јелена Карлеуша објави дека постигнала спогодбен разговор со Душко Тошиќ, Ела ѝ честиташе на Инстаграм со малку саркастична објава.

„Честитам. Барем и јас да доживеам развод некогаш… Затоа што ние во брак бевме две години, а се разведуваме веќе три, како што ми се чини – само небото е граница.

Малку ми фали па да почнам да му пишувам писма на Дедо Мраз, можеби ќе го послушаат па ќе забрзаат“ – напиша таа.

Додека процедурата за разводот сè уште трае, Ела не штеди зборови за нејзиниот поранешен партнер, па така обраќајќи им се на следбениците со кои разговараше на тема разделба, таа рече:

„Дали некогаш кога сте раскинувале со некого ви се случило таа личност да ви рече: ’Нема веќе никогаш да бидеш со таков како мене?‘

Дали тие луѓе сфаќаат колку е тоа глупаво? Такви како што си ти…

Да сакав да бидам со тебе, сега не би раскинале, така што…

Поентата е: ’Не дај Боже пак да бидам со некој како што си ти!‘“.

Б. С. Б. | Црнобело