Аница Лазиќ за 39 години повозрасниот Лазар Ристовски: „Се вљубивме на прв поглед, завршив на психијатар од критиките“

Детали

среда, 30 октомври 2024

„Тој објавил на социјалните мрежи дека сме во врска додека спиев, прво се смеев на коментарите, но потоа, не ми беше сеедно“ – вели Аница Лазиќ која една година е во врска со 39 години повозрасниот Лазар Ристовски.

Врската на српскиот актер Лазар Ристовски (71) со 39 години помладата Аница Лазиќ со месеци наназад е топ тема во регионалните медиуми, а често на социјалните мрежи и во коментарите до нивните фотографии има голем бој погрдни коментари и критики.

Голем број од луѓето во регионот ја критикуваат големата генерациска разлика меѓу парот, иако се чини дека тие уживаат во заедничкиот живот.

Во текот на летниот период беа заедно на одмор, од каде објавуваа фотографии и видеа, а Аница, тогаш се фалеше дека и двајцата обожаваат брзо темпо и акција.

Но, младата Србинка сега во гостување во српска телевизија, отворено зборуваше за тоа како се запознале со Лазар и дека на почетокот не била рамнодушна кон зајадливите и вулгарни коментари упатени на нејзина адреса.

„Лазар и јас се запознавме без никаков посредник, наш посредник беше само Бог. Ние се сретнавме во Белград, се погледавме неколку секунди, а потоа се прегрнавме.

По таа прегратка седнавме и разговаравме со часови. Мене, кога ќе ме прашаат од кога сме заедно, јас велам од првиот миг кога се погледнавме“ – вели таа.

Аница вели дека двајцата се договарале како заедно да објават дека се во врска, но дека Лазар одлучил тоа да го направи на свој начин.

„Едно утро објави дека сме во врска додека спиев и замина на работа.

Јас станав малку подоцна, не го вклучив веднаш телефонот, а кога го вклучив ме дочека море пораки.

Тогаш ми беше смешно, а потоа ги гледав насловите што излегуваа од ден во ден.

Факт е дека доживеав интернет насилство, па морав да барам помош од психотерапевт и Лазар ми беше голема поддршка“ – вели Аница.

Таа признава дека во првите денови ѝ било тешко да го поднесе притисокот од јавноста заради огромната генерациска разлика, но сега веќе не ѝ е важно.

За потсетување, Лазар објави дека е во врска со Аница во октомври 2023-та година, откако претходно се разведе со сопругата Даница по 42 години брак.

Аница и Лазар заедно работеа на серијата „Дрим тим“, а по гласините во дел од српските таблоиди, актерот потврди:

„Вистина е, заедно сме. Но, не би додавал ништо повеќе. Ја запознав Аница долго по разводот, не се разведов поради неа“ – рекол актерот.

Прочитајте и Не била родена кога Лазар Ристовски (70) се оженил, но мајка ѝ не се противи на врската: Која е 39 години помладата девојка на актерот?

Б. С. Б. | Црнобело