„Колку љубов и топлина“ – Тарик и Лејла Филиповиќ воодушевени од шармот на Скопје, по нивниот прв престој кај нас (фото)

Детали

среда, 20 ноември 2024

„Каде што вечно сонцето сјае... Има некоја тајна врска“ - Прекрасниот пар ужива во својот прв заеднички престој во Скопје, истражувајќи ги шармантните улички и кафулиња во Старата скопска чаршија, но и знаменитостите низ центарот на градот.

Водителот и актер Тарик Филиповиќ и неговата сопруга Лејла, неодамна дојдоа во Скопје по повод првата регионална конференција за родителство на Бекутан, која се одржа во Скопје, а тие беа гости и дел од панел дискусиите.

Но, парот очигледно одлучил да остане малку подолго за да ја почувствува магијата од нашиот град за време на нивниот прв заеднички престој тука, со оглед на тоа што Тарик претходно повеќепати го посетил. 

На Инстаграм Лејла објави фотка од нив двајца покрај шарено кафуле во Старата скопска чаршија, но и неколку фотки од Камениот мост, од плоштадите, Спомен-куќата на Мајка Тереза и други знаменитости кои ѝ оставиле впечаток.

Лејла, која важи за дама со стил, за прошетката низ Скопје одбрала фармерки со патики со животински принт, комбинирани со кафеав капут, а воодушевена од градот, во описот на фотките напиша:

„Прв престој во Скопје... таму каде што вечно сонцето сјае. Колку љубов и топлина... има некоја тајна врска“.

Погледнете повеќе фотки од престојот на Лејла и Тарик во Скопје:

М. М. | Црнобело