Нема куќна помошничка, не следи мода: Која е бившата сопруга на Дејан Станковиќ, што ја остави за друга по 23 години брак?

Детали

сабота, 14 декември 2024

„Се заљубив штом ја видов, почувствував дека тоа е тоа. Кога му кажав на нејзиниот брат, малку фалеше да ми удри бокс. Но, верувам дека без неа не би бил комплетен“, изјавуваше своевремено познатиот фудбалер за екс-сопругата која ја засакал на 19 години.

Еден од најпознатите фудбалери во поранешна Југославија, Дејан Станковиќ, пред една година тајно се развел од сопругата Ана по 23 години брак, а јавноста за тоа дозна неодамна.

Парот има три сина - Стефан, Филип и Александар, кои се веќе возрасни луѓе.

Дејан Станковиќ и Ана се разделиле пред околу една и пол година.

Иако не е позната причината за разводот, многумина сметаат дека е во прашање далечината, бидејќи екс-фудбалерот се врати да живее во Србија и да биде тренер на „Црвена ѕвезда“, а Ана со децата остана во Рим.

Станковиќ повеќе од една година има нова девојка (некои велат дека поради и неа ја оставил сопругата).

Иако не е познато која е, регионалните медиуми пишуваат дека станува збор за новинарка од Словенија, која е бремена и со која Дејан го очекува своето четврто дете, но и дека тие планираат да се венчаат наскоро.

Што знаеме за Ана, жената со која Дејан Станковиќ беше во брак?

Ана повеќе од 2 децении му беше голема поддршка на екс-фудбалерот - и кога беше на врвот на кариерата, но и кога имаше спортски кризи и како играч и како тренер.

За неа Дејан изјавуваше дека ја засакал уште кога ја видел првпат, на свои 19 години и дека тоа што се оженил со неа е најдобрата работа што му се случила во животот.

„Се заљубив штом ја видов, почувствував дека тоа е тоа. А кога му го кажав тоа на нејзиниот брат, малку фалеше да ми удри бокс. Но, верувам дека без неа не би бил комплетен“, изјави Станковиќ.

Ана е сестра на Миленко Аќимовиќ, поранешен соиграч на Дејан.

Таа никогаш не била „типична“ сопруга на фудбалер.

И покрај тоа што живееја во Рим, во времето кога Станковиќ играше за Lazio, таа не сакала скапи работи, а никогаш не ги следела слепо модните трендови, ниту, пак, ја интересирала модата.

Таа никогаш не сакала да се експонира јавно и приватниот живот и децата ги држела подалеку од очите на јавноста.

Ана од самиот почеток му била посветена на Дејан и на синовите и своето време го поминувала токму со нив.

Таа сама се грижела за домаќинството и немала куќна помошничка која би ѝ помагала околу чистењето на домот или подготвувањето храна.

Повеќе фотографии од Ана и Дејан:

А. Ј. | Црнобело / фото: Инстаграм