„Кога ќе ме нарече Фахрета, знам до каде е работата“: Лепа Брена искрено за кавгите со Боба

Детали

петок, 31 јануари 2025

„Постојано се лутевме еден на друг. Балканските мажи се научени да е сè по нивно и тогаш ми се чинеше дека ништо не може да е пострашно од тоа да се скараме за да не сакаме да разговараме еден со друг“ - Брена вели дека првата половина од бракот на моменти ѝ била „пеколна“. 

Лепа Брена и Боба Живојиновиќ со години важат за еден од најскладните парови во регионот.

Пејачката не крие дека и после скоро 40 години љубов, таа го обожава сопругот, но дека првите години во брак биле голем предизвик за двајцата, поради честите кавги.

Тие и денес повремено знаат да се скараат, но тоа не е ни оддалеку толку страшно како на почетокот.

Според Брена, причините за големите кавги на почетокот биле поради тоа што во нивниот однос има многу „машка енергија“, односно и таа и Боба се силни и доминантни личности.

„Се трудев да балансирам меѓу полната куќа и тестостеронот дома. Ајде што двајцата сме силни и независни, тука се и машките деца - си бараат внимание, секој со своите желби.

На моменти беше пекол. Па уште кога ќе ми рече Фахрета, а не Беки - знам до каде дошла работата“ - рекла во една пригода пејачката.

Кавгите биле многу чести на почетокот на нивниот брак, а Брена вели дека првите 17 години биле „жестоки“.

„Постојано се лутевме еден на друг. Во бракот мора да постои компромис, договор, но балканските мажи се научени да е сè по нивно, апсолутни лидери.

Забораваат дека жената е дел од семејството, дека треба да носи и таа одлуки, да се слушне и нејзиниот глас“, рекла Брена.

Но, по некое време работите почнале да се менуваат, а тие двајца да „омекнуваат“ и да ги надминуваат кавгите.

Таа денес вели дека се смее кога ќе се сети на големите расправии во првите години од бракот, зашто што сега ѝ изгледаат банално и неважно, иако во тоа време многу ја вознемирувале.

„Тогаш ми се чинеше дека не може да се случи нешто пострашно од тоа да се скараме за да не сакаме да разговараме еден со друг, но брзо наоѓавме начин да се смириме.

Денес сфаќам колку тоа било безначајно, во однос на предизвиците низ кои поминавме подоцна заедно, и бевме тука еден за друг.

Овие моменти на поддршка и љубов ги потиснаа сите пеколни караници, кои се денес заборавени“, рекла Брена.

Брена и Боба се заедно од 1986-та година, а се венчаа 5 години подоцна. Нивната свадба многумина ја окарактеризираа како „свадба на деценијата“.

А. Ј. | Црнобело