Северина емотивна за 13-тиот роденден на синот: „Имам среќа да живеам со прекрасно дете“

Детали

четврток, 20 февруари 2025

„13 години имам голема среќа да живеам со прекрасно дете, сега веќе – момче. Паметно, мудро, можеби и премногу за своите години... и искрено момче“, ја започнува емотивната објава Северина, за синот на кој мора да му ги крие очите на Инстаграм, поради проблемите со старателството со бившиот Милан Поповиќ.

Хрватската ѕвезда Северина со фотографии направени на Малдиви му го честиташе роденденот на својот син Александар.

Во емотивна објава на Инстаграм откри колку е горда на него и колку е среќна што го дели животот токму со него.

Нејзината објава гласи:

„13 години имам голема среќа да живеам со прекрасно дете, сега веќе – момче.

Паметно, мудро, можеби и премногу за своите години... и искрено момче.

На сè во врска со него сум горда.

И гордо чекорам покрај него. Понекогаш загледани во ѕвездите, а понекогаш читајќи лектира.

Растат брзо, толку брзо што не стигнувате ни да кажете „Еј, каде и да одиш, само биди добар човек и биди среќен, само биди ми среќен.“

Па, среќен роденден, прекрасен мој сине“.

Постари фотки со него:

С. С. | Црнобело