Српска дизајнерка од луксузен стан во Белград од 300.000 евра премина на рурален живот и копање бавча: „Се ежам од хаосот“

Детали

недела, 02 март 2025

„Денес кога минувам покрај мојот некогашен дом (станот во Белград) се ежам. Во мојот двор сега си гледам кози како мирно си пасат“, вели модната дизајнерка Верица Ракочевиќ (77) за домот во кој живее со 35 години помладиот сопруг.

Модната дизајнерка Верица Ракочевиќ (77), која е во брак е со 35 години помладиот композитор Вељко Кузманчевиќ, со години живее во подножјето на Авала, на околу дваесетина километри од Белград.

Парот, пред да се пресели, живеел во луксузен стан во Белград, кој чинел 300.000 евра според пишувањата на српските медиуми.

Верица се презаситила од градската врева, го продала станот и сега има голем имот на кој си одгледува зеленчук, си ја копа бавчата и ги работи сите работи кои ги бара руралниот живот.

На прашањето дали ѝ недостига луксузот таа за српските медиуми вели:

„Прво дефинирајте што е луксуз. За некого тоа се скапи брендови, дијаманти, лимузини, скапи автомобили.

За жал, во голем дел од животот и јас верував дека тоа е луксуз.

Потоа заклучив дека негов синоним може да биде апсолутната среќа, која не можат да ја заменат никакви скапоцености.

Но, иако делува едноставно, до таквиот луксуз (среќата) всушност е најтешко да дојдете.

Денес кога минувам покрај мојот некогашен дом (станот во Белград) се ежам.

Во мојот двор сега си гледам кози како мирно си пасат. Пред некоја вечер видовме и еж.

Живеам во пристоен комфор, а луксуз сметам дека ми е можноста секое утро да ги мирисам моите прекрасни рози, да уживам во безграничната љубов која Вељко ми ја дава и сигурноста која ми ја донесе нашиот однос.

Еден пријател ми рече: ‘Те знам од периодот кога пливаше во пари, но никогаш не сум те видел да имаш ваква насмевка на лицето’.

Парите не ви гарантираат среќа. Моја пријателка живее во Лос Анџелес во кварт со најбогати луѓе и за нив вели дека имаат сè освен среќа и дека за мене од срце се радува за мојот новооткриен начин на живот“.

Прочитајте и Србинка (77) има 35 години помлад сопруг: „Привилегија е да имате млад маж - патуваме со кампер, тој ми готви“

С. С. | Црнобело