Поранешната љубовница на Кеба се сити откако ќерка му не помина на српскиот Евросонг: „Мислев ќе ѝ купи влез во финале“

Меѓу оние кои се огласија по „поразот“ на Наташа е и текстописецот Љиљана Јевремовиќ, инаку поранешна љубовница на Кеба.

Таа со пејачот има вонбрачна ќерка, која Кеба никогаш не ја призна, ниту пак сака да има контакт со неа, а Љиљана самата се грижи за неа.

„Го гледав вчера изборот, и бидејќи Наташа потекнува од музичко семејство кое има големо искуство во шоубизнисот, очекував повеќе.

Текстот на песната не е на ниво на кое би требал да биде и не е за никакво натпреварување, камо ли за Евровизија. Очекував подлабока, поинтригантна, духовна и забавна песна.

Тоа што Наташа седеше сама, беше омаловажување за кандидатите, зашто имам впечаток дека ‘се подразбираше’ дека таа ќе помине во финале и дека тогаш семејството Којиќ ‘ќе се нацрта’ во зелената соба.

Искрено, не ни очекував да ги видам сега таму. Тие доаѓаат како ѕвезди, на крајот.

Научени се да купуваат сè, купуваа и судии кога јас и тој се судевме. Веројатно мислеа дека и тука можат да платат за Наташа да помине“ - рекла Љиљана.

Инаку, низ годините Љиљана напишала стотици текстови и соработувала со најпопуларните српски и регионални пејачи.

Погледнете го настапот на Наташа:

Прочитајте и Сите скандали на српскиот избор за Евросонг: Реквизит падна врз пејач, водител си даде отказ во знак на револт

А. Ј. | Црнобело