Сенидах емотивна за 100-тиот роденден на баба ѝ, жената која ѝ е поткрепа по смртта на родителите

Детали

среда, 12 март 2025

„Таа не е момент, моментите се таа. Среќен роденден бабо, ти си ми и понатаму моето маче“, напиша пејачката на Инстаграм кајшто позира со својата 100-годишна баба.

Кралицата на трап-сцената во регионот, Сенидах, откри дека нејзината баба наполнила 100 години.

Таа сподели заедничка фотографија на која може да се види дека си личат премногу една со друга.

Сенидах ја обожава својата баба и често поминува време со неа.

„Таа не е момент, моментите се таа. Среќен роденден бабо, ти си ми и понатаму моето маче“, напиша пејачката на Инстаграм.

Бабата на Сенидах е жената која ја чувала и се грижела за неа во времето кога нејзиниот татко загинал во сообраќајна несреќа, а пејачката била уште мала.

Ова е дел од животот за кој Сенидах не зборува често, но нејзините соседи од Љубљана за српските медиуми неодамна откриле непознати детали од нејзиниот живот.

„Нејзиниот татко загина во тешка сообраќајна несреќа кога Сенидах беше мала.

Нејзината мајка тогаш била тешко повредена, а сестра ѝ паднала во кома. За среќа, таа поминала без повреди.

Оваа трагедија ѝ го одбележа животот. Но, мислам дека таа никогаш не се опорави целосно од тоа“ - рекле соседите.

Тие раскажале и дека кога пред 10 години починала мајката на Сенидах, со која била многу блиска, баба ѝ останала како нејзината најголема потпора.

„Сега таа ѝ е столб и сила во животот. Сенидах тешко ја прифати смртта на мајка си. Се заклучуваше во својот стан и со месеци не излегуваше од дома.

Таа толку многу личи на својата покојна мајка што е неверојатно. Како да се близначки.

Кога ќе ја видам, како да ја гледам мајка ѝ“, рекла една сосетка.

Прочитајте и Си го променила личниот опис, гласини дека е бисексуалка – Што знаеме за популарната пејачка Сенидах?

А. Ј. | Црнобело