„Ќе ги чувам нашите змејчиња“ - Основачот на EXIT ја изгуби сопругата на 44 години - имаа 3 деца, ѝ приреди свадба изненадување

Пораката од сопругот Душан на Инстаграм гласи:

„Драга моја Ивана, ти се обраќам во сегашно време, затоа што те чувствувам жива, присутна и посјајна од кога било, во себе и секаде околу мене.

И додека танцуваш со ангелите, сакам да ти шепнам нешто важно… Ти давам завет дека со секој здив, мисла и дело ќе ги чувам нашите змејчиња и ќе ги водам низ животот за да станат луѓе какви што секогаш сакавме да бидат.

Дека ќе бидат опкружени со луѓе што те сакаат, добро те познаваат и што ќе им раскажуваат за тебе. Ќе им ја пренесуваат, секој на свој начин, бескрајната љубов што ја имаш за нив.

Давам завет дека ќе го чувам живо сеќавањето на тебе, за целиот свет да ја почувствува твојата божествена искра што толку силно свети за сите нас.

Ќе сведочам пред сите колку е бескраен твојот капацитет за љубов и колку го сакаш светот.

Секогаш ми велеше дека сè што правиме треба да има смисла. Имавме на нашиот пат многу успеси, но и падови, а од овој врв на којшто нè однесе сега, сè се гледа јасно.

Смислата на твоето заминување во рајските градини е исполнувањето на божествената цел за која дојде меѓу нас - да го преобразиш светот со твојата безусловна љубов, која од небото веќе се разлева врз сите нас што те повикуваме во нашите срца.

Твојата душа одлучи дека дојде моментот кога твојата љубов треба одозгора да нè води и чува најсилно што може.

Твоето семејство ќе биде продолжена рака на таа мисија на овој свет, а ти ќе бидеш нашата врска со небесата.

Благодарен сум на Бог што имав и имам можност да бидам едно со тебе, те сакам Ивана и засекогаш ќе те сакам, онака како што велиме во нашето семејство - најбескрајно.

Твој Душан“.

С. С. | Црнобело