Ќерката на Гоца Тржан наполни 18 години - Пејачката клекна на колена пред неа на забавата, им пееше Саша Ковачевиќ

Детали

петок, 23 мај 2025

За роденденската прослава на ќерка ѝ, Гоца избра долг розов фустан со роза на половината и длабоко деколте, а Лена се преоблече двапати, но најемотивен момент беше кога пејачката клекна на колена и почна да ѝ пее на ќерката.

Српската пејачка Гоца Тржан вчеравечер направи голема забава за 18-тиот роденден на нејзината ќерка Лена.

Забавата беше во познат белградски ресторан, со многу гости, пријатели на славеничката, луѓе од естрадата и српскиот јавен живот кои ѝ се пријатели на Гоца.

За роденденската прослава на ќерка ѝ, Гоца избра долг розов фустан со роза на половината и длабоко деколте, а Лена се преоблече двапати.

Славеничката ги пречека гостите во кратко фустанче од тантела, комбинирано со високи потпетици, а потоа, во тинејџерски стил, се преоблече во кратко црно фустанче со патики.

За полнолетството на Лена имаше и бела торта на три ката.

Прославата траеше до доцна во ноќта, а Саша Ковачевиќ ги забавуваше гостите со своето пеење.

Но, многу од музичарите кои беа на роденденот на Лена не пропуштија и самите да запеат, па микрофонот го фатија и Милица Павловиќ и Тања Савиќ.

Но, еден од најемотивните моменти беше кога Гоца ѝ запеа на својата ќерка и клекна на колена.

Пејачката им се обрати на гостите, но и на ќерка си и ѝ кажа дека се гордее со неа.

„Единствените луѓе што ги имам на овој свет се тие што се тука вечерва. Фала ви што дојдовте.

Лено, се гордеам со тебе. Имаш прекрасни пријатели“ - рече таа, а видеото од овој момент го сподели на Инстаграм Стори, со уште неколку моменти од прославата.

Тржан ја доби Лена во бракот со Иван Маринковиќ, со кого по разводот е во лоши односи, а двајцата, и Гоца и Иван, ја користат секоја прилика да се понижат јавно еден со друг.

Вториот сопруг, Раша Новаковиќ, пак ѝ е огромна поддршка и има одличен однос со Лена.

А. Ј. | Црнобело