Вдовицата на Саша Поповиќ првпат во јавност по неговата смрт: „Спијам со неговиот џемпер, сакам да му го чувствувам мирисот“

Детали

вторник, 01 јули 2025

„Дома и понатаму се чувствува неговото присуство. Буквално оставив сè како што остави тој. Дури не го допрев ни полуотворениот куфер од Париз, кој остана таму последниот ден кога дојдовме. Остана нераспакуван. Нема да го поместам долго време“, вели вдовицата на Саша Поповиќ, кој почина на 1 март 2025.

Пејачката Сузана Јовановиќ, вдовицата на првиот човек на „Гранд“ Саша Поповиќ, се појави првпат во јавноста по неговата смрт.

Таа дојде на финалето на „Ѕвездите на Гранд“ минатата сабота (28.06) за да му ја додели наградата на победникот (иако шоуто во текот на вечерта беше прекинато поради проблеми со гласањето и ќе се одржи викендов, 5 јули).

Облечена во црно, Сузана позираше за фоторепортерите и се расплака додека одговараше на новинарските прашања поврзани со смртта на нејзиниот сопруг.

Таа зборуваше и за нивната последна средба во болницата во Париз, но и како живее сега без него.

„Имавме некои заеднички ритуали со Сале - тој со мене гледаше турски серии, јас со него фудбал или кога Ноле играше тенис. Тоа не е сменето.

Во куќата и понатаму се чувствува неговото присуство. Буквално оставив сè како што остави тој.

Дури не го допрев ни полуотворениот куфер од Париз, кој остана таму последниот ден кога дојдовме. Остана нераспакуван. Нема да го поместам долго време.

Остана џемперот што го носеше, и спијам со него во креветот. Сакам да го мирисам неговиот мирис“ - рекла Сузана низ солзи.

Таа признала дека ѝ е тешко, но се труди да биде добра и покрај болката.

„Се трудам да бидам добро. Го сонувам секоја ноќ. Сето ова вечерва е многу емотивно и стресно за мене, но се трудам да бидам на висина на задачата.

Да беше сега до мене, ќе ми речеше: ‘Суле, само насмевни се, бидејќи најмногу ја сакам твојата насмевка’.

Да ме видеше сега, ќе речеше - како што секогаш ми велеше кога ќе ме видеше дотерана: ‘Па, не знаев со каква убава жена се оженив’. Ќе ми недостига тоа.

Најемотивниот момент вечерва ќе биде излегувањето на сцената за мене, бидејќи морам да го правам она што тој го правеше со години.

Ќе се обидам да бидам достоинствена во мојата болка и моето страдање. Него го нема и јас сум свесна за тоа, но Саша ќе живее преку своите дела“ - рекла Сузана.

Продолжува на следната страница...