Сведоштво на Ивана од Скопје за пожарот над Вурвуру: „Го забележав чадот веднаш, за половина час дојдоа да гасат 10 авиони“

Детали

среда, 02 јули 2025

„Пожарот беше на околу 5km од нас. За половина час дојдоа десетина авиони и неколку хеликоптери, кои не дозволија да ескалира. Иако почна да се шири молскавично, благодарение на подготвеноста на грчките служби, спречија ескалација“, вели за CRNOBELO.com Ивана Тасев, која е на летување во Вурвуру.

Ивана Тасев, новинарка и ПР менаџер од Скопје, е на летување во Вурвуру, Халкидики.

Таа со семејството била во вилата во која се сместени, а кога во 15 часот по грчко време почнал да се гледа чад од пожарот во близина на Ливари и Вурвуру.

Пожарот во 15 часот

За CRNOBELO.com, Ивана вели дека е трогната од професионалноста на грчките пожарникарни служби, кои експресно реагирале и не дозволиле пожарот да се прошири.

„Во моментов е 21 часот и иако веќе скоро 2 часа нема чад, над нас постојано надлетуваат авиони и ја набљудуваат ситуацијата.

Пожарот го видов веднаш кога почна, тоа е на околу 5km од нас. Слушнав дека некои луѓе добиле пораки за евакуација, но ние на македонските броеви не добивме ваков аларм.

Ситуацијата во 21 часот (по грчко време)

За половина час дојдоа десетина авиони и неколку хеликоптери, кои не дозволија пожарот да ескалира.

Многу професионално го изведоа ова. Иако почна да се шири молскавично, благодарение на подготвеноста, спречија ескалација.

Јас сум сериозно воодушевена колку се добро подготвени и како реагираа.

21:30, авиони и понатаму земаат вода и летаат кон местото на пожарот

Погледнете го видеото што го сними Ивана:

Прочитајте и Голем пожар близу Вурвуру на Халкидики - туристи се евакуираат, се гаси со канадери (видео)

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело