Сандра од Бања Лука на 42 години го пронашла вистинскиот и за првпат стана мајка на 47 години - близнаците ѝ се најголема среќа

Детали

четврток, 10 јули 2025

„Кога се нижеа негативни коментари од околината како ќе износам бременост на 47 години, мојот сопруг беше среќен, пресреќен и ми беше најголемата поддршка. Ми рече дека сум подготвена и дека физички сум поспремна и поспособна од многу жени кои се помлади од мене“, вели Сандра Поповиќ од Бања Лука.

Приказната за Сандра Поповиќ од Бања Лука, Босна и Херцеговина, ќе биде инспиративна за жените кои со години ја водат тешката битка со неплодноста или, пак, не го пронашле вистинскиот и сметаат дека биолошкиот часовник им отчукува.

Таа вели дека вистинскиот маж за неа го пронашла на 42 години, останала бремена на 47 години и родила близнаци.

Сега, со своите близнаци, кои имаат 3 години, гостуваше во една емисија на телевизијата „ATV Бaња Лука“.

Сандра со раѓањето на здрави близнаци, носи нова надеж и инспирација за сите дека мајчинството е можно во секој период од животот.

Сандра го опиша своето искуство од бременоста на 47-годишна возраст и откри дека имала породување по природен пат со близнаците Сара и Максим.

„Кога дознав дека сум бремена, бев во шок, но повеќе беше во шок моето опкружување.

По првичниот шок, околината беше немилосрдна. Луѓето си земаат право да коментираат сѐ и сешто.

Ми велеа дека нема да можам да ја износам бременоста“, вели Сандра за предизвиците со кои се соочила при бременоста.

„На почетокот ми беше тешко. Сопругот ми беше најголемата поддршка.

Одлично ја поднесов бременоста, а докторите беа горди што заедно успеавме да ја изнесеме до крај“, вели таа и заклучува дека на Балканот сѐ уште сме прилично конзервативна средина за вакви прашања.

Видеото погледнете го ТУКА...

С. С. | Црнобело