Јелена Карлеуша и по разводот зборува за Душко: „Не знаеше да ме сака, го изневерив откако престана љубовта“

Детали

сабота, 19 јули 2025

Пејачката и фудбалерот се разведоа пред 10 месеци, но таа неколкупати оттогаш го коментираше бившиот сопруг. Што сè кажа Јелена за Душко по разводот?

По 17 години брак, Јелена Карлеуша и Душко Тошиќ се разведоа лани во септември.

Иако оттогаш поминаа 10 месеци, новинарите и понатаму ја прашуваат за поранешниот сопруг, а многупати и таа самата коментира за него.

Што сè кажа по разводот Јелена за Душко, за изневерувањата од нејзина и негова страна, но и за потребата да ги заштити ќерките од нивните расправии?

Во продолжение се нејзините изјави:

„Сметам дека некои работи треба да останат меѓу 4 ѕида, а ако излезат на виделина, брачните партнери да бидат заедно во тоа.

Не знам дали ме изневерил некогаш, немам докази за тоа.

Јас го изневерував од оној момент кога бев сигурна дека ни тој не ме сака мене ни јас него.

Тогаш тоа веќе не беше неверство, ниту, пак, чувствував дека го изневерувам.

Не можеш да изневериш некој што не те сака и кого ти не го сакаш, тоа не е изневерување, тоа е едно големо ништо“.

„Со години се враќав дома и секогаш беше истата ситуација. За мене ништо не се промени по разводот.

Тој ден во мојот живот не беше ништо поразличен од претходните. Не почувствував ништо, дури ни олеснување.

Како жена, она што најмногу ме повреди беше тоа што тој не се бореше за мене, за да не ме изгуби, исто толку колку што се борев јас за тој брак да преживее.

Да не се борев, тој брак ќе траеше неколку месеци. Решавачкиот момент беше кога сфатив дека некој не се бори за мене, за бракот, и дека постои подобра опција.

Во тој момент, и јас се откажав. Сè се сведува на љубовта - кога некој те сака, нема да те пушти“.

„Сметам дека Душко не знаеше да ме сака како што треба. Можеби ме сакал онолку колку што бил неговиот максимум.

Ако треба да ти објаснам како да ме сакаш, што да ми кажеш, ако треба да те убедам дека вредам да се бориш за мене, зошто е тоа така?

Дојдов во ситуација во мојот живот да се сменат улогите, па некој што ги лепел моите постери на ѕид да ми каже дека јас сум никој, а тој е некој.

Тој очекуваше дека ќе бидам трофеј, но јас не сум трофеј, туку некој што дава многу, но за возврат го бара истото.

Јас не сум предмет што ќе свети и ќе му го храни егото, јас сум суштество гладно за љубов“.

„Многу пати не можев да ги заштитам ќерките од она што го гледаат во својата куќа.

Сакав односот на нивниот татко кон мајката да не ги деформира моите ќерки и да го направи во иднина нивниот однос кон мажите - катастрофален“.

„Тој е навлечен на лесни жени, дури и им плаќа за да бидат со него“.

А. Ј. | Црнобело