Сузана Манчиќ згодна во бикини на прагот на осмата деценија: „Сакајте се себеси“

Детали

четврток, 24 јули 2025

„Самодисциплината дава резултати, резултатите го креваат самопочитувањето“ - напиша Сузана Манчиќ на Инстаграм и сподели фотографија во бикини.

Најпопуларната лото девојка во поранешна Југославија, Сузана Манчиќ, наскоро ќе полни 69 години и е на прагот на осмата деценија.

Но, и покрај годините, таа изгледа одлично, исто како во времето кога секој вторник беше на малите екрани како водителка на познатата игра на среќа.

Сузана во моментов е на летување во Грција, каде што и живее со сопругот, Гркот Симеон Оцомокос.

А оттаму, таа сподели туристички фотографии, направени покрај ветерници, но и фотка во бикини.

Сузана има тело на кое може да ѝ позавидат дури и помладите жени. А преку фотката, се чини таа ја откри тајната на својот изглед - самодисциплина.

„Самодисциплината дава резултати, резултатите го креваат самопочитувањето - сакајте се себеси“ - напиша таа на Инстаграм.

Прочитајте и „Натерав оженет маж да се разведе за мене, а потоа го оставив“: Скандалозниот љубовен живот на Сузана Манчиќ

А. Ј. | Црнобело