Дарко Лазиќ возел со 1,9 промили алкохол во крвта, претходно изјавил дека не пиел - Нови детали за сообраќајката

Детали

четврток, 25 септември 2025

Иако пред несреќата Лазиќ изјавил дека „тој го испил своето“, во јавноста кружи видео на кое се гледа како пие, но и гласини дека пред несреќата имал жестока расправија со сопругата. 

Српскиот пејач Дарко Лазиќ ноќеска имаше тешка сообраќајна несреќа во Белград, откако со својот џип удри во автобус, по што пожарникари морале да го извлечат од смачканото возило.

Пејачот беше пренесен на ВМА, каде што му се направени испитувања, а потоа разговарал со полицијата и утрово е пуштен дома.

Со него во автомобилот била и сопругата, која поминала со помали повреди.

Сега во јавноста се појавија нови детали за страшната сообраќајка, која е трета на Лазиќ, откако во 2018-та за малку ќе загинеше и помина 23 дена во индуцирана кома.

Според српските медиуми, пејачот претходно тврдел дека не пие, дури и изјавил дека тој „одамна си го испил своето“.

Сопругата Катарина, пак, рекла дека „Дарко е одличен шофер и дека не се плаши да се вози со него“.

Но, анализите направени во болницата покажале дека тој има 1,9 промили алкохол во крвта, а дека тестот за наркотици бил негативен.

Овие анализи му биле направени по службена должност, заедно со тест на урината, бидејќи Лазиќ е предизвикувач на несреќата.

Пејачот, наводно, со себе немал ни важечка возачка дозвола.

По ова, во јавноста беше објавено и видео на кое се гледа како тој се забавува и пие на промоцијата на новата песна на Тијана Матиќ, од каде и се враќал кога удрил во автобусот.

Мондо.рс пишува дека пред сообраќајката, Дарко имал жестока расправија со сопругата Катарина, по што нагло додал гас.

Тој, пак, вели дека изгубил контрола над автомобилот поради лизгавиот коловоз во Белград.

Прочитајте и Во 2018-та беше клинички мртов, сега пак направи сообраќајка - Дарко Лазиќ удрил во автобус, го ваделе пожарникари

А. Ј. | Црнобело