Трагедија во Хрватска: Турски пилот загина во авионска несреќа, 2 месеца откако преживеал друга

Детали

петок, 14 ноември 2025

Во вчерашната авионска несреќа во Хрватска животот го загуби пилот кој пред само неколку месеци преживеал друга авионска несреќа. Скоро целата своја кариера, пилотот управувал со авиони за гаснење пожари и турските медиуми го нарекуваат херој.

Синоќа (13.11), хрватските медиуми споделија дека во близина на градот Сењ, од радарот исчезнал авион за гаснење пожар, познат како „ертрактор“.

Набрзо потоа известија дека станува збор за турски авион.

Авионот бил пронајден – за жал, срушен и во пламени, по што веднаш почнала спасувачка акција.

Два турски авиони за гаснење летале од Риека кон Загреб. Бидејќи имало магла, го промениле правецот и во тој миг едниот авион исчезнал.

Откако пожарникарите го изгасиле огнот, го нашле и пилотот кој загинал во несреќата.

На официјалниот Фејсбук профил на Хрватската противпожарна заедница беа споделени фотографии од акцијата, на кои се гледаат неколку пожарникари, како и делови од срушениот авион.

Набрзо потоа се огласија и турските власти со повеќе детали, откривајќи дека двата авиона биле на пат од Турција кон Загреб на одржување.

„Но, поради лошите временски услови, вчера слетаа на аеродромот на Крк. Денес (13.11) во 16:38 часот повторно полета за Загреб, но поради влошување на времето мораа да се врата на Крк.

На повратната рута, едниот авион безбедно слета на аеродромот во Риека, додека контактот со другиот беше изгубен во 18:25 часот“.

Како што открива шефот на противпожарната служба на округот каде што се срушил авионот, пожарникарите ги затекнала непријатна сцена.

„Штом стигнаа на терен, започна гаснењето, а пожарот брзо беше локализиран. Пожарникарите ги дочека многу непријатна сцена. Пожарот го зафатил предниот дел на авионот.

Кога се приближија до авионот, пронајдоа едно тело кое веќе беше пеплосано“.

Набрзо потоа беше утврден идентитетот на жртвата – пилот од Турција кој пред помалку од три месеци доживеал авионска несреќа.

Загинатиот пилот е 45-годишниот Хасан Бахар.

На 29-ти август годинава, тој преживеал пад на авион за гаснење пожар во северозападниот дел на Турција.

Тој гаснел пожар, кога се јавиле проблеми со авионот и се срушил. Тогаш пилотот поминал со полесни повреди.

Турските медиуми пренесуваат дека скоро целата своја кариера, пилотот управувал со противпожарни авиони и бил вклучен во многу акции за гаснење.

Па, смртта на пилотот не загуба само за неговото семејство, туку и за целиот тим пожарникари и експерти кои си го ризикуваат животот, додека турските медиуми го опишуваат како херој.

Спирова С. | Црнобело