Марија Шерифовиќ емотивна на вториот роденден на синот: „Ме научи да живеам повторно“

Детали

вторник, 02 декември 2025

„Мое меко русо момче, колку многу ни ги промени животите на сите. Колку многу ти, таков мал и ситен, нè учиш на сè. Ти благодарам што дојде кај мене, за да ме научиш да живеам повторно“, напиша Марија.

Српската пејачка Марија Шерифовиќ денес има голема причина за слевење - синот Марио, кој го доби со жена-сурогат, денес полни 2 години.

Марија го најави неговиот роденден на Инстаграм Стори со видео на кое Марио чука на тапани, а ликот му е покриен со емотикон хамбургер.

Овој емотикон пејачката го користи веќе подолго време кога споделува фотки и видеа од синот и по две години не го открива неговиот лик во јавноста.

Таа сподели и фотка со Марио, и емотивна порака.

„Сине мој, моја радост најголема.

Денес славиме заедно. Го славиме твоето животче и мојот втор роденден откако бев избрана да бидам баш јас твоја мајка.

Мое меко русо момче, колку многу ни ги промени животите на сите. Колку многу ти, таков мал и ситен, нè учиш на сè.

Ти благодарам што дојде кај мене, за да ме научиш да живеам повторно. Среќен роденден Марио“, напиша Марија.

Откако стана мајка, многумина коментираат дека Шерифовиќ станала „помека“ и целото свое внимание му го посветува на синот.

Таа и во интервју за CRNOBELO.com кажа дека „нејзиниот Марио е многу мил и вистинска љубов“.

Прочитајте и Марија Шерифовиќ за CRNOBELO: „Сите мајки за своите деца велат дека се најмили, ама мојот син е љубов“

А. Ј. | Црнобело