Марија Микиќ по гласините дека е со бившиот на море: „Не сме заедно, му праќам фотки од децата – тоа е нормален однос“

Детали

вторник, 12 август 2025

„Како измисливте дека сме заедно на море? Јас на својот поранешен сопруг редовно му испраќам фотографии и заедно се договараме за сите работи што се поврзани со нашите деца“ - напиша револтирано Марија Микиќ, откако многумина се посомневаа дека се смирила со Јован, кој периодов постојано објавува моменти од децата на кои се гледа и пејачката со нив. 

Марија Микиќ и нејзиниот поранешен сопруг Јован Пантиќ периодов се во фокусот на јавноста и медиумите од моментот кога споделија дека се разведуваат. 

Иако најавија дека ќе се грижат за децата заеднички и ќе останат во пријателски однос, сепак со некои постапки направија многумина да се посомневаат дека можеби се смириле. 

постара фотографија од периодот кога беа во брак

Неодамна, тој ѝ напиша коментар на фотка „Ако сакаш уште едно дете јави ми се“, а деновиве, многу почесто споделува моменти од децата, иако е познато дека тие се на одмор со мајка им во Црна Гора. 

На некои од фотките и видеата, дури се гледа и ликот на Марија, па не е ни чудно тоа што освен фановите, и српските медиуми почнаа да шпекулираат дека можеби се заедно. 

Освен фотките од одморот на децата, тој повремено споделува и кадри од него со нив, кои веројатно се постари, но никогаш не го нагласува тоа. 

Сепак, Марија е револтирана од шпекулациите кои се шират, па на Инстаграм Стори ја објасни ситуацијата, велејќи дека таткото на нејзините деца добива фотки и снимки од неа за да биде во тек што прават. 

На едната објава, пејачката сподели статија и напиша: 

„Се надевам дека живееме во свет каде сфаќате дека е нормално и покрај сè, родителите да имаат нормален однос и да си испраќаат фотографии и видео записи од своите деца, за да надоместат за времето што не се заедно.

Имаме социјални мрежи и апликации за комуницирање, нели? Не разбирам од каде заклучокот дека сме на море заедно?

Мене ми е сосема нормално да го известувам таткото на своите деца за нив и да имаме контакт и заеднички одлуки за нивното растење“.

Подоцна таа напиша уште една објава на Стори, која гласи:

„Не знам дали во денешно време е толку ненормално ако двајца луѓе се разделат, децата да не мора да страдаат?

Јас на својот поранешен сопруг редовно му испраќам фотографии, снимки и случувања и заедно се договараме за сите работи што се поврзани со нашите деца.

Тоа не значи дека сме заедно на море, ниту што било слично што пишувате. Иако кажав дека нема да се огласувам на оваа тема, иако се тргнав да оздравам и да пронајдам мир, морав.

Нормална комуникација е одлика на одговорни луѓе кон тие мали и невини суштества, а и на снимките кои сте ги објавиле, многу јасно се гледа кој снима, па ако на таткото му пратам случки и споделам со него како го поминале денот, тоа значи дека сме заедно на море... ок“.

М. М. | Црнобело