Данијела Мартиновиќ по 3 години врска, искрена за саканиот: „Моите го обожаваат, го ставија на трон“

Детали

среда, 03 декември 2025

„Брзо се снајде, дури и со далматинскиот хумор. Го обожаваат, го ставија на трон. Воопшто не разбирам“, вели Данијела, која и после 3 години врска, ретко зборува за саканиот.

Хрватската пејачка Данијела Мартиновиќ од 2022 година ужива во љубовта со Јосип Планиќ, поранешен полициски инспектор, но и музичар.

За нивната врска јавноста дозна следната година, и иако оттогаш поминаа неколку години, Данијела одговара на прашања поврзани со него, но сепак, деталите ги чува за себе.

Токму затоа ја изненади јавноста кога откри дека нејзиното семејство го обожава нејзиниот дечко.

Таа, во пресрет на Божиќ и Нова година, пејачката во интервју откри како изгледаат празниците кај нејзиното семејство, па го спомна и Јосип.

„Кај нас често има весела атмосфера, а Јосип знае да се придружи на семејниот хор. И добар е во повеќегласно пеење.

Брзо се снајде, дури и со далматинскиот хумор. Го обожаваат, го ставија на трон. Воопшто не разбирам“, рекла Данијела, која гради куќа со Јосип.

Таа рекла и дека сакала годинава да биде домаќинка на божиќната вечера, но куќата и понатаму не е доградена.

„Мислев дека ќе се случи оваа година, но како што велат, човек сонува, а Бог одлучува. Сепак, нема да се случи оваа година, но сигурно ќе биде следната година.

Сè трае малку подолго, но во ред е. Знаете, секој што изградил куќа и секој што гради нешто во својот живот знае дека за работниците, две недели обично значат 2 или 3 месеца.

Мислам, сигурна сум дека следната година тоа ќе се случи кај нас“, додала Данијела.

За потсетување, тие почнаа врска брзо откако Данијела и Петар Грашо раскинаа по 24 години љубов.

Се запознале кога нејзиниот адвокат поднел жалба за кражба на идентитет преку интернет, а Јосип бил назначен како инспектор на случајот.

Инаку, Јосип ѝ се врати на музиката на почетокот на минатата година - ја напушти полицијата и го обедини стариот бенд Izvan zakona.

А. Ј. | Црнобело