„За многу години“: Светна елката на плоштадот во Солун – има 10.000 светилки, илјадници луѓе се забавуваа (видео)

Детали

четврток, 04 декември 2025

Илјадници луѓе вчеравечер одбројуваа на Плоштадот Аристотел, додека да светне новогодишната елка проследена со огномет и музичка програма - почна празничната магија во Солун. 

Вчеравечер во 18.30 часот, светнаа 10.000 светилки поставени на елката на Плоштадот Аристотел во центарот на Солун.

Огромната елка заблеска со 10.000 ЛЕД светилки, а освен црвени лампиони, на врвот ја краси светкава ѕвезда.

Илјадници луѓе беа собрани на плоштадот и на улиците во околината и одбројуваа додека да светне елката, а моментот беше пропратен со спектакуларен огномет над морето и извици со значење „За многу години“.

Публиката имаше можност да ужива во традиционални мелодии, хорски настап, но и во забава со пејачот Антонис Ремос.

Новогодишната атмосфера во Солун официјално започна, а во околината има и божиќен пазар.

Погледнете видеа од атмосферата:

М. М. | Црнобело