Ја нарекуваат босанската Адриана Лима – Која е метео девојката заради која сите гледаат прогноза?

Детали

вторник, 10 март 2026

Има 24 години, мајка ѝ била лото девојка, изгледа прекрасно и ѝ годи што ја споредуваат со Адриана Лима – која е младата Босанка заради која никој не пропушта временска прогноза?

Нора Шахинпашиќ е 24-годишна водителка, која со изгледот привлекува големо внимание на малите екрани, но и на социјалните мрежи.

Таа е секогаш средена и дотерана додека на своите граѓани пред малите екрани им ја презентира временската прогноза на телевизијата OBN.

На социјалните мрежи многумина ја нарекуваат босанската Адриана Лима, а за овие комплименти, Нора вели дека ѝ годат што ја споредуваат со една од најубавите жени на светот.

За себе вели дека сама со труд постигнала успех во кариерата, но сепак гените си го направиле своето, со оглед на тоа што татко ѝ е познат новинар и заштитно лице на OBN, а мајка ѝ во минатото била „Лото“ девојка.

„Пред камери сум уште додека сум била во стомакот на мајка ми. Почнав со претстава на 5 години, а зад мене имам низа реклами, серии, спотови. Учев од родителите, но и сама се изградив. На оваа кариера се одлучив сама, но убаво е да се има од татко, како многу искусен новинар“ – изјавила таа своевремено.

Освен тоа што е успешна во телевизиската кариера, Нора во меѓувреме е посветена и на студиите по меѓународно право, активна е и на социјалните мрежи и е во среќна љубовна врска. 

Повеќе фотки од Нора:

М. М. | Црнобело