„Работев во фабрика и копав на 40°С“ – Јаков Јозиновиќ (20) открива како заработувал пред да се прослави

Детали

четврток, 19 март 2026

„Пред 3 години работев на археолошки ископи на 40 степени. Потоа работев во фабрика за свеќи, па работев во овоштарник, секаде работев навистина. Дефинитивно тоа ме изгради, за да бидам благодарен сега на тоа што го имам“ - вели младиот Јаков Јозиновиќ, кој за само неколку месеци стана сензација во регионот. 

Јаков Јозиновиќ е млад, харизматичен и скромен млад дечко, кој со голема брзина ја гради својата музичка кариера како соло пејач.

20-годишното момче од Хрватска последниве 6 месеци е вистинска сензација и речиси не постои човек што не слушнал за него.

Јаков успеа без ниту една своја песна да ја освои публиката во целиот регион и да закаже неколку концерти, а сега веќе има неколку авторски песни кои исто така стануваат хитови, покрај преработките кои ги пее.

За 30 минути распродаде концерт во Белград, а нема своја песна - Кој е Јаков Јозиновиќ (20) по кого полуде цел Балкан?

Последно тој одржа концерт во Нови Сад каде цела публика пееше во еден глас со него, а вистинско изненадување беше кога на сцената со него се појави и Саша Ковачевиќ.

На 9 април Јаков ќе го има својот прв концерт во Скопје, во склоп на неговата турнеја, откако минатиот месец настапи на „Златна бубамара на популарноста“, каде освои и награда.

Неодамна гостуваше во хрватска телевизија, каде зборуваше дека не се чувствува променето и покрај популарноста, освен што е малку позрел.

Таму младиот пејач открива дека пред да стане тоа што е сега, работел секаков вид на физичка работа за да заработи:

„Пред 3 години работев на археолошки ископи на 40 степени. Со обѕир на тоа дека доаѓам од Винковци, а таму знаеме дека е плодно археолошко подрачје, сешто ископав.

Потоа работев во фабрика за свеќи, па работев во овоштарник, секаде работев навистина.

И понекогаш и сега си велам ај ти оди малку на 40 степени да работиш пак, за да бидеш благодарен на сè она што го имаш во моментов.

Дефинитивно тоа ме изгради како човек“.

Погледнете го целото гостување во емисијата:

Прочитајте и Јаков Јозиновиќ за CRNOBELO: „Љубовниот живот ми е потежок откако станав популарен“

M. M. | Црнобело