Победник на „Гранд“ побегнал од продавница додека жена се борела со вооружен напаѓач: „Впери пушка во мене“

Детали

четврток, 26 март 2026

„Во видеата не ги слушате истрелите што беа испукани кога отидов да ѝ помогнам на жената. Под адреналин и шок, влегов во автомобилот каде беа мојата бремена сопруга и 10-месечното бебе. Ако куршум залуташе и ги убиеше, какви би биле вашите коментари?“, вели пејачот Анид Ќушиќ по критиките дека бил кукавица.

На 24 март во населбата Залик во Мостар вооружен маж се обидел да ограби маркет, извадил автоматска пушка, но храбрата продавачка успеала да го совлада.

Регионалните медиуми објавија снимка од безбедносните камери во продавницата на кои се гледа како маскираниот маж влегува внатре, вади автоматска пушка и оди кон продавачката, а потоа се гледа како двајцата се борат и влечат по подот.

Во еден момент во маркетот влегува маж, кој штом ја здогледува сцената пред себе, се врти и бега, наместо да ѝ помогне на жената што се бори со напаѓачот.

За кратко време се дозна дека напаѓачот е пејачот Анид Ќушиќ, поранешен победник во шоуто „Ѕвездите на Гранд“.

Пејачот веднаш беше „нападнат“ на социјалните мрежи дека се поставил кукавички и дека ја оставил беспомошната жена сама да го совлада напаѓачот.

Поттикнат од негативните коментари на своја сметка, Анид преку порака реши да ја каже неговата страна од приказната.

„Не сакав да се огласувам или да одговорам, но морам сега кога ги гледам моите „пријатели“ како уживаат и се смеат на ситуацијата што се случи.

Прво, никогаш не би посакал никому да му се случи ваква сцена, што не ми излегува од главата.

Во видеата, не ги слушате истрелите што беа испукани кога отидов да ѝ помогнам на жената, во тој момент застанувам и тој ја крена главата и тргна по пушката, поставете се во ситуација каде што некој вади пушка и во неговата реакција во која гледате дека вие сте следен - дали ќе застанете и ќе чекате да ве убие?

Под адреналин и шок, излегов и влегов во автомобилот со мојата бремена сопруга и 10-месечното бебе! Ако куршум залуташе и ги убиеше, какви би биле вашите коментари?

Жена ми во автомобилот со бебето беа во шок, а јас едвај го кренав телефонот и се јавив во полиција поради глетката. Можев ли да ѝ помогнам на жената? Можев. Дали тргнав да помогнам? Тргнав! Ако го изгубев животот во оваа ситуација, вашите коментари би биле „Тој беше добар човек“ или „Будала што би тргнала по пиштол“...

Во моментот кога посегна по пушката, а сигурен сум дека во моментот ќе ме убиеше, истрчав. Додека вие седите и коментирате, пишувате и уживате, би сакал да ве видам како одите пред куршум.

Ѝ посакувам на жената што работи во продавницата брзо закрепнување, често доаѓам во таа продавница и ја познавам, кога ги гледав видеата од почеток бев воодушевен колку храбро постапи.

Жал ми е за ситуацијата во која се најде жената, жал ми е и за децата што поминаа покрај продавницата и плачеа, жал ми е за мојата сопруга што доживеа шок. Фала му на Бога што заврши без жртви.

Не осудувајте ситуација во која не сте нашле, ситуација во која не знаете како би реагирале. Јавете ми се кога ви треба помош, потоа пцујте ме и навредувајте ме. Мило ми е што имате ситуации во вашиот живот каде што ги гледате оние на кои сте им помогнале да се вратат кај вас.

Жал ми е што не можев да ѝ помогнам на оваа храбра жена, што човекот имаше митралез во раката и што бев беспомошен. Се надевам дека има такви што се бистри и кои ја гледаат ситуацијата од поинаква перспектива. Го сакам Мостар, но луѓето...“, пишува тој на Фејсбук.

Погледнете го видеото:

А. Ј. | Црнобело