Се омажи Мелина за 22 години постариот милионер – тој ја довезе во кабриолет, ќерка ѝ не стигнала на венчавката

Детали

сабота, 18 април 2026

Мелина (екс Џиновиќ) сега стана госпоѓа милионерка како што пишуваат српските медиуми, откако го изговори судбоносното ДА во Монако со многу обезбедување – 70-годишниот сопруг ја довезе во луксузно Бентли, а ќерката Џина синоќа била излезена па не стигнала навреме на венчавката.

 

Мелина Галиќ, поранешната сопруга на Харис Џиновиќ, денес по вторпат го изговори судбоносното ДА и се омажи за британскиот бизнисмен Џефри Пол Арнолд Деј (70).

Тие направија граѓанска венчавка во елитната зграда на општината во Монако, која беше со многу силно обезбедување, кое не дозволувало да се прават фотографии.

Парот се заколна на вечна љубов пред кумата на Мелина, Гордана Кариќ, а српските медиуми пренесуваат дека го земала неговото презиме Арнолд.

Сега таа е Мелина Арнолдл, а регионалните медиуми ја нарекуваат „госпоѓа милионерка“.

Откако вчера тие уживаа на јахта заедно со роднините и блиските пријатели, денес сопругот Џефри ја довезе саканата во луксузен ретро кабриолет автомобил, за кој се пишува дека е веројатно Bentley кое може да чини до 300.000 евра.

Погледнете видео од пристигнувањето на парот:

На големиот ден за невестата, покрај неа беа нејзиното семејство, како и ќерката Џина која ја поддржува во сето ова за разлика од синот, но сепак не стигнала навреме на венчавката.

Вчера Џина била излезена во Ница, а денес влегла предоцна на венчавката, дури кога веќе младоженците наздравувале.

По граѓанската венчавка, свадбената веселба продолжува во луксузен хотел, а богатите гости се превезуваат од Монако до Портофино со приватни хеликоптери, додека пак, за останатите гости е обезбедено комбе.

M. M. | Црнобело